“Porque lle queremos ao Entroido e porque estamos obrigados a velar pola seguridade dos nosos veciños, solicitámoslle a Cajoto que recapacite e que busque outra ubicación”, finaliza o voceiro do PP de Foz
Foz, 9 de xaneiro de 2025. O voceiro do Grupo Municipal do Partido Popular de Foz, Javier Castiñeira, pídelle a Cajoto que cambie a ubicación da carpa do Entroido para evitar os problemas de seguridade do ano pasado. O PP faino nun exercicio de responsabilidade e despois de escoitar a preocupación de moitos veciños e consideran que “sería neglixente manter o emprazamento da instalación nun humedal inseguro e nunha rúa tan estreita que limita a circulación fluída das persoas”.
“Despois dos graves episodios de embotellamento provocados pola mala elección da parcela e o mal deseño do recinto, veciños e membros das comparsas recórdannos os apuros e as crises de ansiedade que tiveron que vivir o ano pasado e que, grazas a actuación da Garda Civil, non chegou a máis e non queren que se volva a repetir. Por todo iso, no pasado pleno presentamos un rogo para que se creara unha comisión de seguemento do Entroido ofrecendo a nosa colaboración que foi desprezada polo alcalde. Polo tanto, como primeira medida entendemos que non se pode manter a localización do ano pasado porque, ademais de asentarse nun humedal, a rúa Atalaia é moi perigosa e condiciona tamén á rúa Corporacións, a cal está a 30 metros e que cos cambios de Cajoto agora aumentou de forma considerable o tráfico”, sinala o popular, Javier Castiñeira.
Polo tanto, a parcela é unha trampa que debe evitarse e, ademais, o anos pasado equipo de goberno non quixo crear a comisión de investigación que pedía o Partido Popular e agora a xente ten dúbidas e medos porque ninguén do concello explicou aínda cal fora o problema real.
“Porque lle queremos ao Entroido, porque nos tocou organizalo e fixemos con éxito, e porque estamos obrigados a velar pola seguridade dos nosos veciños, solicitámoslle a Cajoto que recapacite e que busque outra ubicación”, finaliza o voceiro do PP de Foz.
As súas Maxestades de Oriente fixeron o percorrido polas rúas cariñesas en compañía dun grupo de moteiros e moteiras baixo o ritmo das gaitas da banda San Xiaio do Trebo, na que foi unha das tardes máis máxicas do ano.
Os profesionais sanitarios nada puideron facer pola súa vida. Pasadas 7:30 horas deste xoves, o 112 Galicia tivo constancia do accidente a través do aviso de Urxencias Sanitarias de Galicia-061: unha persoa acababa de ser atropelada en Árbol, á altura do quilómetro 8 da LU-120. Nese momento, os alertadores explicaron que a situación semellaba especialmente grave. De inmediato, os xestores do Centro Integrado de Atención ás Emerxencias solicitaron a acción da Garda Civil de Tráfico e dos servizos de mantemento da estrada. Cando chegaron ao lugar, os servizos sanitarios confirmaron o falecemento da persoa.
A institución provincial mantén abertas todas as vías ao tráfico e traballa de maneira puntual en cada unha das alertas que vai detectando ao longo da xeografía da provincia. Os principais danos pasan pola caída de árbores e pólas, desprendementos de terra e bolsas de auga.
As súas maxestades pasaron polo Centro de Día Residencia de Cervo.
Será a partir das 19:00h na Carpa situada da Avda. Rosalía de Castro (Aparcamento Gadis).
As súas maxestades encheron de ilusión este domingo aos pícaros.
