Así o opinan os populares tras a ruptura do goberno de coalición de Foz pola saída do BNG do mesmo
Foz, 14 de xaneiro de 2025. O voceiro do Grupo Municipal do Partido Popular de Foz, Javier Castiñeira, opina que, tras a ruptura do goberno de coalición pola saída do BNG do mesmo, “moito terá que cambiar Cajoto se quere saír deste furado que el mesmo cavou”.
O problema do illamento do alcalde xa ben desde o inicio da pasada lexislatura cando dimitiron tres concelleiros polos mesmos motivos polos que fracasa agora co BNG, individualismo e falta de traballo en equipo.
“A situación na que queda o Concello de Foz, despois da ruptura do bipartito de esquerdas, é moi grave por varios motivos: primeiro, porque levamos 5 anos arrastrando unha parálise total dos proxectos importantes e porque os servizos son peores e máis caros desde que goberna Cajoto; segundo, porque temos un alcalde que se non foi capaz de aproveitar unha maioría peor, aínda, o terá en minoría cando é incapaz de escoitar a ninguén e está acostumado ao ‘ordeno e mando’”, sinala Javier Castiñeira.
O Partido Popular teno moi claro, vai a seguir a mesma liña que leva ata o día de hoxe: responsable, propositiva, intensa para facer oír a voz dos veciños e fiscalizadora da acción do goberno. En cambio, moito terá que cambiar Cajoto para comezar a escoitar ao resto de grupos, negociar solucións e rebaixar os seus egos porque non o fai nin cos seus propios compañeiros de partido.
Por outra banda, o BNG foi un socio sumiso que lle deu alas e poder total ao señor Cajoto e, polo tanto, é cómplice do que está pasando e debe cambiar de actitude se pretende, nesta segunda metade da lexislatura, serlle útil aos veciños. “O seu cambio de postura no asunto da residencia, no que o PP foi sempre moi rigoroso, é un claro exemplo de como se pode traballar polo pobo sen ter que renunciar aos principios políticos ou militando en partidos moi diferentes”, explica o voceiro popular.
“Desgraciadamente, igual que anticipamos fai anos a ruptura do goberno bipartito, sabemos perfectamente cal vai ser a actitude de Cajoto nesta etapa en minoría porque é a que ven usando cando as cousas non lle saen como quere: usar o vitimismo e botarlle a culpa aos demais”, finaliza o voceiro do PP de Foz.
A Guía Oficial de Turismo Ana Pena comeza o ano propoñendo novas visitas guiadas na Mariña. A do próximo domingo 19 de xaneiro ás 10h terá lugar no concello de Ribadeo. Máis concretamente será a Senda Azul, un interesante percorrido entre o Muíño das Aceas e o Faro de Illa Pancha, que pasa por lugares de importancia como a ría de Ribadeo, a Praia dos Bloques, a zona portuaria, ou o parque etnográfico do Cargadoiro, entre outros. A ruta ten unha extensión de 10km cunha dificultade baixa e poden asistir mascotas. O prezo é de 10€ persoa e as reservas poden facerse no 654 99 68 57.
Os restos serán agora biotriturados para converterse en acolchado de macizo das plantas, creando un abono orgánico que axudará a reducir a aparición de malas herbas e o uso de abonos e herbicidas químicos. Desce o Concello animan ao alumnado a seguir aproveitando así cada día dos nove meses de formación dual que teñen por diante.
Seguindo o costume dos últimos anos, a entrega correu a cargo do alumnado de Vírgula, que os deleitou cun marabilloso concerto de panxoliñas, e os do Bosque Animado, que, ademáis, lles entregaron unhas fermosas postales pintadas a man por eles. Todos xuntos gozaron deste encontro.
Será o sábado, 18 de xaneiro, no Auditorio Municipal.
Os feitos delituosos tiveron lugar o pasado mes de novembro, cando supostamente a persoa investigada substraeu unha bicicleta no termo municipal de Ribadeo. Como resultado da investigación policial logrouse recuperala, sendo entregada en depósito ao seu lexítimo propietario, quedando ao dispor da Autoridade Xudicial.
O acto está organizado pola A.C. Francisco Lanza. Presentará ao autor Suso Fernández Acevedo (profesor de Lingua e Literatura Galegas no IES de Ribadeo Dionisio Gamallo). Nesta segunda entrega, Marwán, fillo de Ianes O Galego, comeza unha nova vida acollido polos xudeus de Munt Sáluti ata que emprende camiño a Mérida. Alí, grazas aos seus contactos e á súa competencia, entra ao servizo da administración amiral e vai subindo na escala ata chegar a ser nomeado valí ou gobernador dunha cidade adoito insubmisa e levantadiza contra o poder de Córdoba.
