A Vicepresidencia da Deputación reforza o apoio ao Burela FS de cara a Supercopa Feminina, que disputan esta fin de semana en Móstoles

Efrén Castro e Daniel García visitaron ás xogadoras laranxas, que optan a reeditar o título

Lugo, 30 de xaneiro, 2025. O vicepresidente da Deputación Efrén Castro e o deputado de Rural, Mar e Mocidade Daniel García, acompañados polo tenente alcalde de Burela Mario Pillado e pola concelleira Sandra López, visitaron ás xogadoras do Burela FS feminino nas horas previas á fase final da Supercopa de España.

Os responsables provinciais transmitiron ás xogadoras azos de cara á competición, que se disputa este fin de semana en Móstoles e na que optan a reeditar o título. No encontro, no que tamén participou o presidente do club Manuel Blanco e persoal técnico, ratificaron o apoio da Vicepresidencia da Deputación ao proxecto deportivo laranxa, que situou Burela e A Mariña como un referente en fútbol sala a nivel estatal.

A Vicepresidencia da Deputación colaborará co club no financiamento dos gastos relacionados co desprazamento e a loxistica da participación na competición, reforzando así o apoio á entidade burelá, que conta cunha subvención nominativa anual de 140.000 euros.