A Alcaldesa de Alfoz visita a vivenda comunitaria para entregar os agasallos de Reis ás persoas usuarias

Alfoz, 5 de xaneiro do 2025. Este domingo a Alcaldesa de Alfoz, Efigenia Maseda, acompañada pola Concelleira de Desenvolvemento Local, Judit Casabella; visitaron a Vivenda Comunitaria do municipio. Durante a visita, fíxoselles entrega dos agasallos de Reis ás persoas usuarias, nun xesto que busca recoñecer o valor e a contribución das persoas maiores á comunidade.

A alcaldesa destacou a importancia de continuar co apoio a este colectivo fundamental: “No Concello de Alfoz cremos firmemente na necesidade de coidar e valorar ás nosas persoas maiores. Este tipo de iniciativas son un pequeno exemplo do noso compromiso para que se sintan acompañadas e queridas”.

As persoas residentes, así como o persoal da Vivenda Comunitaria, agradeceron a visita e o detalle, que trouxo ledicia e sorrisos nunha data tan especial.

“Dende o Concello de Alfoz, aproveitamos para desexarlle a toda a veciñanza un bo comezo de ano e uns bos reis”.