Un incendio calcina case por completo unha casa de Trabada

Trabada, 27 Decembro, 2024. A vivenda estaba construída en madeira e o lume propagouse con rapidez. Non se rexistraron danos persoais.

O 112 Galicia tivo constancia dos feitos a través de Protección Civil de Trabada, que indicou que a vivenda afectada estaba no lugar de Trabadela, en Sante.

Nas tarefas de extinción traballaron os Bombeiros de Barreiros e de Vilalba, o GES da Pontenova, a Garda Civil e a Agrupación de Voluntarios de Protección Civil de Trabada.

Unha vez finalizada a intervención, os equipos de emerxencias confirmaron que a casa ardeu case por completo.