O Concello de Viveiro e Cruz Vermella dan comezo á súa campaña de recollida de xoguetes, material escolar e libros

A recollida será ata o 26 de decembro de 9:00 a 15:00 na OMIX, ubicada na Casa do Concello

Viveiro, 16 de decembro de 2024. O Concello de Viveiro dá comezo á súa tradicional campaña de Nadal de recollida de xoguetes, material escolar e libros infantís e xuvenís con fins solidarias, organizada conxuntamente con Cruz Vermella.

O punto de recollida será a Oficina Municipal de Información Xuvenil (OMIX), situada na Casa do Concello, en horario de 9:00 a 15:00 horas. Recollerase o material ata o día 26 de decembro.

“Un ano máis poñemos en marcha esta iniciativa solidaria para axudar á cativada con menos recursos, coa fin de garantir de o Nadal sexa unha época de ledicia para todas as persoas de Viveiro”, sinala a alcaldesa María Loureiro.

A campaña servirá para recolectar xoguetes, puzzles e outros materiais novos ou seminovos coa embalaxe orixinal e doalos a familias desfavorecidas, baixo o lema “ningún neno/a sen xoguetes novos”. Os materiais non deberán estar empaquetados previamente.