Viveiro, 2 de decembro, 2024. O grupo municipal do BNG de Viveiro presentará no pleno do Concello unha moción para instar ao Goberno galego a asumir as súas competencias nos conservatorios municipais. Este paso precede á tramitación da iniciativa no Parlamento Galego, liderada pola deputada Cristina Fernández Davila, prevista para debate nos meses de xaneiro e febreiro de 2024.
O custo do Conservatorio Municipal de Música de Viveiro en 2023 ascendeu a 1.141.676,22€, dos cales 1.097.967,88€ destináronse a salarios e cotizacións á Seguridade Social, mentres que 48.708,94€ foron empregados en electricidade, limpeza e mantemento. Pola contra, os ingresos totais do conservatorio sumaron 195.086,57€, procedentes de matrículas e achegas mensuais do alumnado (103.326,31€), dunha subvención da Xunta (76.760,26€) e dunha achega da Deputación (15.000€). Esta situación supón un importante esforzo económico para o Concello, que reclama unha xestión por parte da Xunta acorde coas súas competencias.
Na presentación da moción, Miriam Bermúdez García, tenenta de alcaldía de Viveiro, salientou o papel fundamental da veciñanza: “Queremos agradecer e poñer en valor a implicación do persoal e das familias vinculadas ao Conservatorio de Música, que están recollendo sinaturas de maneira activa para reforzar esta iniciativa. Agora mesmo, na entrada do Concello de Viveiro, as persoas interesadas poden apoiar esta proposta asinando os pregos dispoñibles”.
O BNG defende que a Consellaría de Educación debe asumir a xestión integral dos conservatorios municipais, garantindo a igualdade de acceso ao ensino musical e aliviando a sobrecarga financeira que pesa sobre os concellos. Ademais, a moción propón a creación dunha rede de conservatorios profesionais comarcais para asegurar unha distribución equilibrada da oferta educativa no territorio galego.
A Asociación Cultural O Atrio de Vilaronte organiza o VII Alumeado do Nadal de Vilaronte (Foz) que será o domingo 8 de decembro a partir das 19:30h no Atrio da Igrexa. Ademas do acendido haberá chocolate e caldo de pito e contarase coa actuación de Mar Aberto de Foz.
O foro xurdiu por iniciativa propia da comunidade local presente no Camiño de San Andrés de Teixido e coa colaboración dos concellos que comparten este itinerario, pretendendo converterse nun espazo de diálogo construtivo no que potenciar o desenvolvemento e a coordinación entre axentes públicos e privados no territorio.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
