O número de asasinadas en 2024 ascende a 46, sendo 5 delas galegas, entre a que se atopa a muller de Viveiro
Lugo, 19 de decembro de 2024. A subdelegada do Goberno en Lugo, Isabel Rodríguez, expresou hoxe as condolencias e todo o seu apoio á familia e achegados de Rejane Soares, asasinada onte en Viveiro nun novo caso confirmado pola Delegación do Goberno contra a Violencia de Xénero. Durante o acto de repulsa convocado na súa memoria, a subdelegada destacou a profunda conmoción que este crime causou en toda a provincia de Lugo e subliñou a importancia de manter a unidade fronte a esta secuela. Isabel Rodríguez presidiu este acto acompañada por distintas autoridades locais, membros das Forzas e Corpos de Seguridade e persoal da Subdelegación.
“A violencia machista segue sendo un desafío estrutural que nos afecta de forma directa e próxima. Como sociedade democrática, non podemos tolerar que as mulleres sigan vivindo con medo. É imprescindible deixar atrás calquera tipo de negacionismo e actuar con firmeza e cohesión para erradicar esta violencia”, sinalou a subdelegada.
Rodríguez lembrou que, con este asasinato, son xa 46 as mulleres asasinadas en 2024 a mans das súas parellas ou exparellas, deixando a 35 menores orfos. Ademais, no que vai de ano, nove nenos e nenas foron asasinados polos seus proxenitores ou parellas das súas nais en actos de violencia vicaria. Desde 2003, a violencia machista cobrou a vida de 1.291 mulleres en España.
O Goberno reafirma o seu compromiso absoluto coas políticas de prevención e protección fronte á violencia de xénero, facendo un chamamento á implicación de todas as institucións e da cidadanía. “A loita contra a violencia machista é unha causa común que transcende diferenzas políticas ou ideolóxicas. Só unidos poderemos poñer fin a este horror”, concluíu Isabel Rodríguez.
O acto finalizou cun minuto de silencio en memoria de Rejane Soares, como mostra de respecto e solidariedade cara á súa familia e seres queridos.
A súa visita fixo as delicias dos nenos e nenas este sábado, 21 de decembro.
Visitantes de toda Galicia e doutras partes de España acudiron á carpa instalada na Praza da Constitución. López agradeceu o labor do Concello e da Alcaldesa, a participación e o bo facer dos produtores e puxo en valor a alta calidade do produto. “Dende a Deputación de Lugo estamos e estaremos sempre do lado do sector primario e por iso, como non podía ser doutra maneira, colaboramos coa proxección desta cita. Estamos ao carón de todas as persoas que traballan para manter vivo e impulsar o rural”, valorou.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
Alfonso Villares expresou a súa repulsa ao tráxico suceso de violencia machista producido este mércores neste municipio.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
