Viveiro, 4 de decembro de 2024. A Tenencia de Alcaldía de Viveiro e a Concellería de Medioambiente dan comezo á reparación e adecuación dos contedores soterrados do municipio, logo de máis de dez anos en funcionamento.
Míriam Bermúdez, tenenta de alcaldesa e responsable da concellería, destacou a importancia desta actuación: “Asegurarnos de que os contedores soterrados funcionen correctamente é fundamental para a seguridade e benestar da veciñanza”.
Bermúdez explica que estes “sufriron un deterioro significativo debido ao uso diario e ao impacto dos residuos nos materiais que os compoñen, especialmente os destinados á fracción resto”.”A renovación dos elementos de seguridade, como as plataformas anticaídas, permitirá que a súa operativa sexa moito máis segura e eficiente”, engade.
As actuacións a realizar incluirán a limpeza e reposición de vinilos e a reparación dos elementos de seguridade. “Este proxecto non só mellorará a estética do noso municipio, senón que tamén garantirá un funcionamento óptimo dos contedores, contribuíndo así á protección do medio ambiente e á saúde pública”, concluíu a tenenta de alcaldesa.
A Asociación Cultural O Atrio de Vilaronte organiza o VII Alumeado do Nadal de Vilaronte (Foz) que será o domingo 8 de decembro a partir das 19:30h no Atrio da Igrexa. Ademas do acendido haberá chocolate e caldo de pito e contarase coa actuación de Mar Aberto de Foz.
O foro xurdiu por iniciativa propia da comunidade local presente no Camiño de San Andrés de Teixido e coa colaboración dos concellos que comparten este itinerario, pretendendo converterse nun espazo de diálogo construtivo no que potenciar o desenvolvemento e a coordinación entre axentes públicos e privados no territorio.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
