A Garda Civil decomisa 48 kgs de percebes a pescadores furtivos en Xove

É uns das incautacións máis importantes na Mariña nos últimos anos

Xove, 17 de decembro, 2024. A Garda Civil, no marco do control que leva a cabo en épocas do Nadal en zonas especialmente sensibles ao desenvolvemento de actividades ilícitas de marisqueo, investiga a tres pescadores furtivos, veciños de Cedeira (A Coruña), como supostos autores da comisión dun delito contra a flora e fauna.

Os feitos delituosos tiveron lugar onte pola mañá nunha zona costeira situada entre os illotes de “Os Netos” e o faro de Roncadoira, no termo municipal de Xove.

Ao ter constancia da presenza de furtivos na devandita zona, que supostamente estarían a extraer percebes, procedeuse a realizar un exhaustivo rastrexo das numerosas pistas de terra da zona, onde foi localizado polos axentes un turismo, que resultou ser alugado, oculto entre a masa forestal.

Ao redor das 15.00 horas identificáronse aos pescadores furtivos, e comprobouse que, no interior do turismo levaban varios traxes de neopreno, calzado, luvas e utensilios habitualmente empregados nos labores de extracción de percebes, pero non as presuntas capturas de crustáceos.

Os axentes do Seprona intervenientes no dispositivo, perfectamente coñecedores do modus operandi dos mariscadores furtivos, realizaron unha procura na zona de vexetación especialmente densa próxima ao lugar da súa saída do mar, ata que finalmente lograron localizar escondidos varios sacos cunha gran cantidade de percebes, que segundo se comprobou máis tarde alcanzaron un peso de 48 quilogramos.

Os crustáceos incautados foron entregados a un centro benéfico, tras a elaboración previa dun informe de mostraxe por parte dos biólogos da Xunta de Galicia.

Cabe apuntar a enorme satisfacción con que o sector pesqueiro profesional da comarca recibiu esta intervención, tendo en cuenta as datas nas que ocorreu e do o intenso labor de coidado e vixilancia que os propios mariscadores profesionais da zona realizan, a través das súas respectivas Confrarías, nas zonas especialmente proclives ao desenvolvemento de actividades ilícitas, as cales van en detrimento das capturas levadas a cabo desde a legalidade, estritamente organizadas e
controladas.