Viveiro, 21 de novembro de 2024. O Concello de Viveiro reclama á Xunta de Galicia e á Consellería de Xuventude “que non recorte o Espazo Xove e restaure o servizo de animación sociocultural”.
Asi o expresou a alcaldesa María Loureiro, que criticou a decisión da Xunta de eliminar a figura dos animadores e animadoras dos Espazos Xoves e os postos de traballo correspondentes.
Viveiro alberga un dos once espazos xoves existentes en Galicia, polo que contaba ata o de agora cun destes postos de animación sociocultural. O Concello solicitou xa unha reunión co conselleiro e a directora xeral de Xuventude para tratar o tema.
“O Espazo Xove de Viveiro estaba por fin despuntando e convertíndose nunha referencia para a mocidade do municipio despois dunha etapa de menor actividade, pero esta perda supón un duro golpe ao espazo”, destaca a alcaldesa María Loureiro.
“É un local ao que acuden nenos e nenas a partir de 12 anos, que conta cun persoal moi valioso que está facendo un montón de actividades, pero agora a Xunta quere recortalo”, lamenta.
A rexedora explica que “o argumento que utilizan para é o da falta de presuposto, pero o que supón nos presupostos da Xunta de Galicia eliminar estes postos é mínimo en relación ao servizo que se estaba prestando”.
“Entendemos que hai que priorizar a xuventude, hai que priorizar este tipo de investimentos, non podemos permitir que a xente nova perda un local de referencia”, engadiu.
Pola súa banda, a Concelleira de Cultura, Lara Fernández Fernández-Noriega, apunta que “a rapazada que forma parte do Grupo de Participación Xuvenil tamén transmitiu ao Concello a súa desilusión pola perda das actividades que viña organizando este servizo”.
“Queremos amosar a nosa total indignación pola perda do servizo, que ademais fará que o Espazo Xove peche os sábados, polas tardes no verán e durante todo o período de nadal, cando antes abría grazas ao mesmo”, indica a concelleira.
“O inverno aquí é moi longo, chove moitas veces, e este local era unha referencia durante este período”, afirma Fernández. “Nalgunhas actividades das que facían nas fins de semana chegáronse a xuntar un centenar de rapazas e rapaces”, subliñou.
Das actividades anteriormente realizadas polo servizo de animación sociocultural só quedará o xadrez. Pérdense deste xeito actividades de baile, cociña, informática, técnicas de estudo, xogos de mesa, manualidades ou procura de emprego.
Este recorte súmase á perda da cancha deportiva adxunta ao Espazo Xove, cuxo uso foi prohibido pola Xunta de Galicia por mor dunhas obras nun edificio adxacente.
O Goberno municipal vai a presentar un escrito para instar á Xunta de Galicia a que se manteña este servizo, que será presentado para o seu debate no vindeiro pleno.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
