Alfoz, 22 de novembro, 2024. A novela O terceiro desexo foi escollida como finalista no certame anual convocado polo Concello de Viveiro. Esta obra supón a cuarta novela do autor alfocés tras A raíña das velutinas (Xerais, 2017), A montaña do poeta (Xerais, 2022) e Nove lúas (Edicións Embora, 2024).
Dotado economicamente con 1000 euros, este galardón supón a primeira vez que o escritor é premiado na súa comarca, pois Lionel Rexes reside no Alfoz do Castrodouro.
Segundo o autor, a idea para o argumento xorde tras ler unha obra de referencia no ámbito do Valadouro, trátase de Apuntes Históricos del Valle de Oro, publicado en 1912 polo crego José Martínez Cobo, quen exerceu o sacerdocio na alfocesa parroquia de Bacoi nos primeiros anos do século XX.
Neste ensaio sobre diversos aspectos económicos e sociais, o crego Martínez Cobo fala de certos costumes piadosos mantidos daquela no pazo de Carrocide, unha construción hoxe vixente e habitada na alfocesa parroquia de Lagoa.
De aquí sae unha parte da inspiración para que Lionel Rexes escriba a novela O terceiro desexo, unha trama actual na que certas reminiscencias do pasado van aportando pinceladas de telurismo ao argumento.
O terceiro desexo é, en definitiva, unha novela sobre débedas do pasado incidindo no presente, ilusións non materializadas e a decepción como semente de vinganza. Faise transversal durante toda a novela a teima do protagonista principal por vivir afastado do mundo, acompañado dunha criatura monstruosa de natureza inconcreta.
Como de costume neste autor, na narración aparecen reiteradamente topónimos propios da comarca natural do Valadouro.
O xurado do premio destacou “A súa capacidade para recrear unha historia na que os amores convulsos, o particular universo dos artistas alternativos e as manobras de extorsión de poderosos na sombra se entretecen nunha trama chea de sorpresas e personaxes singulares. Posuidora dunha sólida estrutura, habitada por misterios insondables, esta novela amosa a extraordinaria pulsión dun narrador con máis que plausible oficio.”
O escritor alfocés recibirá o premio o 13 de decembro no Teatro Pastor Díaz, de Viveiro, xunto ao escritor Xavier Queipo, galardoado nesta sexta edición.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
