Ribadeo, 21 de novembro de 2024. Ribadeo consegue financiamento na Xunta de Galicia para realizar melloras nas instalacións deportivas. O alcalde, Dani Vega, mantivo un encontro co conselleiro de Presidencia, Xustiza e Deportes, Diego Calvo.
O rexedor explicou que “mantivemos unha reunión de traballo co conselleiro de Presidencia, Xustiza e Deportes, Diego Calvo. Nesta reunión o que fixemos foi analizar todas as instalacións, todas as infraestruturas deportivas. O pavillón de Alfredo Deaño, eu sempre digo e tamén llo dixen a el, aí chove máis que fora, hai máis caldeiros aí que en todo Ribadeo”.
Vega indicou: “sabemos e somos conscientes de que isto temos que melloralo. Analizámolo durante este ano, buscamos a vía de financiamento, concretamos un orzamento por parte do Concello, pero necesitamos a axuda doutras administracións. Levamos anos, levase anos falando de que hai que mellorar isto, pero nunca se concretou absolutamente ningún euro para este pavillón”.
O alcalde dixo: “sabemos tamén do problema que ten o Pepe Barrera, os vestiarios. A parte de chover hai humidades. Non son unhas instalacións dignas. Por iso tamén temos que buscar o financiamento. Ou o pavillón de Cubelas ou a necesidade que ten Ribadeo de ter un campo de herba artificial. Se o teñen outros Concellos, por que Ribadeo non o ten? Pois eu creo que durante anos puidose facer, pero evidentemente este Concello non está para buscar disculpas ou puidose facer e non facer. Nosoutros non entramos aí. Nosoutros o que queremos é buscar o financiamento”.
Dani Vega subliñou: “vamos seguir loitando por ese financiamento e con esta reunión, con Diego Calvo, concretamos o 50% do financiamento. Por tanto, temos garantido dar un paso. Agora vamos presentar unha memoria, vamos presentar os proxectos e a partires de aí concretaremos ata onde pode chegar a Xunta de Galicia. E tamén esperamos que a Deputación e todas aquelas administracións que entenden que Ribadeo ten esa necesidade poden colaborar con nos”.
E engadiu: “este primeiro paso coa Xunta, unha reunión moi produtiva, unha reunión frutífera e que deu un resultado, que vamos solicitar ese 50% para empezar a traballar no financiamento e así mellorar todas as infraestruturas deportivas”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
