O seu Voceiro, Pablo Díaz, advirte de que solicitaron información por rexistro sobre varios expedientes e non obtiveron resposta, a pesar de que se están desenvolvendo obras no municipio que no perfil do contratante figuran como pendentes de adxudicación
Abadín, 9 de novembro de 2024. A Agrupación Socialista de Abadín, a través do seu Voceiro Pablo Díaz, denuncia a opacidade coa que o Alcalde do municipio está a xestionar varios proxectos de obras públicas, negándolle aos seus veciños e veciñas información sobre contratos.
Díaz explica que os socialistas pediron acceso á documentación sobre expedientes que afectan directamente a investimentos de fondos públicos e non lles deron dende o Concello esa información. ”Esta falta de transparencia supón unha clara infracción dos dereitos de fiscalización que a oposición ten sobre o goberno municipal e unha vulneración do dereito á información dos veciños e veciñas de Abadín”, detalla
En concreto, a Agrupación Socialista solicitou acceso aos expedientes das seguintes obras: creación dun parque infantil, subministración dun vehículo tractor, mellora da eficiencia enerxética do alumeado público, mellora do camiño que une Atalaia con Cabeira na parroquia de Labrada, reforma do pavillón de Moncelos e m ellora dos accesos ás parcelas agrícolas no lugar de Pena do Caldeiro.
Segundo explica Pablo Díaz, estas obras xa se atopan en execución ou incluso rematadas. “Non obstante, no perfil do contratante municipal, onde debería figurar toda a información relativa ao proceso de contratación, os proxectos aparecen coma se aínda estivesen pendentes de adxudicación, cando é evidente que xa foron asignados a empresas que están a realizar os traballos”, realata. “Estamos a falar de fondos públicos, de diñeiro de todos os veciños e veciñas de Abadín, non se pode facer e desfacer como se nada” sinala Díaz. “Esiximos que se nos permita revisar estes expedientes para asegurar que as obras se están a realizar de maneira transparente e en beneficio de todos”, insiste o socialista.
A Agrupación Socialista de Abadín esixe ao alcalde que deixe de ocultar información e facilite o acceso aos expedientes solicitados, en cumprimento das súas obrigas legais. “É imprescindible que todos os procedementos se leven a cabo coa máxima transparencia, especialmente cando se trata de investimentos con fondos públicos que afectan directamente o benestar de toda a comunidade”, indica Pablo Díaz.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
