Os deputados provinciais do Partido Popular xa levaron ao pleno do mes pasado esta iniciativa, pero socialistas e nacionalistas negáronse a debater a proposta pola vía de urxencia
Lugo, 21 de novembro de 2024. O Partido Popular reivindica a implicación do Goberno de Sánchez para garantir a continuidade da actividade e dos empregos da factoría de Alcoa na Mariña e agarda que PSOE e BNG apoien no Pleno da Deputación de Lugo unha iniciativa para esixir ao Executivo estatal a convocatoria da mesa de seguimento do pacto e medidas de apoio que contribúan á viabilidade da planta. Así o trasladaron o portavoz, Antonio Ameijide, e o viceportavoz do Grupo Provincial Popular e alcalde de Xove, Demetrio Salgueiro, durante unha visita á planta.
Os deputados do PP xa levaron ao pleno do pasado mes de outubro esta iniciativa pola vía de urxencia, pero PSOE e BNG negáronse a debater a proposta “a pesar de ser coñecedores da situación de incerteza que sofren os traballadores” e de que “deixar pasar o tempo non xoga ao seu favor”.
Salgueiro explica que “o Ministerio está incumprindo unha parte do pacto que lle compete, como é a convocatoria da mesa de seguimento cunha periodicidade trimestral e que debería ter celebrado unha reunión antes de finais de setembro”. Dende o anterior Pleno da Deputación, pasou preto dun mes e o Ministerio segue sen convocar esa mesa de seguimento, que sería o escenario máis axeitado para abordar entre os representantes da empresa, dos traballadores, do Goberno e da Xunta a proposta de acordo de Alcoa cun socio inversor, Ignis, para a continuidade das operacións e que “está condicionado ao apoio do Goberno de España”.
A proposta que os populares rexistraron esta semana recolle esixir ao Goberno de España axudas públicas que garantan o investimento para a modernización da planta no mesmo sentido que as que recibiron outras empresas tamén declaradas estratéxicas polo Estado; así coma o compromiso para a consignación dos 80M$ (74M€) correspondentes ás compensacións da compra dos dereitos de emisión de CO2 indirecto e o aumento da dotación orzamentaria ata o máximo legalmente permitido pola normativa europea para compensar os custos indirectos por CO2 da industria electrointensiva.
Salgueiro subliña que “a planta de Alcoa na Mariña, a única que produce aluminio primario en España e que foi declarada estratéxica durante a pandemia, merece o mesmo trato que outras empresas que obtiveron a mesma distinción por parte do Estado como Telefónica, Air Europa e, máis recentemente, Arcelor, entre outras, que si recibiron axudas públicas”.
AUTORIZACIÓN DOS PARQUES EÓLICOS: XUNTA SI, GOBERNO NON
Os populares tamén urxen ao Goberno de Sánchez a autorizar os parques eólicos vencellados á produción de enerxía para a factoría mariñá a prezos competitivos a través dos contratos PPA, toda vez que “o Goberno de España, único competente na materia, non foi capaz de abaratar o prezo da enerxía para as industrias electrointensivas e, polo tanto, non poden dispoñen das mesmas condicións que as súas competidoras europeas”.
Os deputados provinciais do PP lembran que “o pasotismo do Goberno de España que está a lastrar a competitividade da planta” contrasta co compromiso da Xunta de Galicia que “xa ten amosado o seu apoio” tendo xa autorizados os parques eólicos da súa competencia e a ampliación da balsa de lodos.
O CONGRESO APROBA ESIXIR AO GOBERNO DE SÁNCHEZ GARANTIR A COMPETITIVIDADE DAS INDUSTRIAS ELECTROINTENSIVAS
O PP logrou aprobar no Congreso -co voto en contra do PSOE e a favor do BNG, excepto no segundo punto que se abstivo- unha iniciativa que defendeu o deputado lucense e portavoz do Grupo Popular en materia de Industria, Francisco Conde, para instar ao Goberno de Sánchez a garantir a competitividade da planta de Alcoa na Mariña e a industria electrointensiva.
Concretamente, o Congreso dos Deputados acordou instar ao Goberno de España a cumprir os seus propios prazos impostos no Real Decreto-ley 23/2020 no que se refire á tramitación de proxectos de xeración a partir de fontes renovables; e asumir as posibles responsabilidades patrimoniais para as empresas -non só enerxéticas, senón tamén industriais- que se viron gravemente prexudicadas ante os erros de incumprimento dos prazos fixados polo propio Goberno. E tamén a modificar o Estatuto dos consumidores electrointensivos para asegurar que as industrias en España podan competir en igualdade de condiciones no mercado europeo, incrementando a dotación presupostaria para as axudas ao sector ata o límite do 25% dos ingresos de dereitos de emisión de CO2, conforme ao permitido pola Directiva Europea; e axilizar a tramitación e activación de poxas específicas de enerxía renovable para consumidores industriais intensivos en enerxía.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
