Os concelleiros trasladarán ao vindeiro pleno a situación de perigosidade debido aos numerosos socavóns e un novo que coincide nunha curva ante o que o goberno local colocou unha placa metálica que molesta aos veciños
Viveiro, 4 de novembro de 2024. O PP de Viveiro insta ao goberno local bipartito a “reparar de inmediato” os socavóns que se estenden ao longo da vía da avenida de Santiago, no barrio do Conexo, da parroquia de San Xoán de Covas. Os concelleiros levarán esta reivindicación ao pleno ordinario que este mércores está previsto que celebre a corporación municipal.
Os populares inciden en que o firme da estrada que comunica a fonte de Covas coa casería presenta “cada día máis deterioro”: son moitos os socavóns ao longo de toda a vía que supoñen un perigo para os condutores. Agora, concretamente, hai unha nova fochanca especialmente perigosa porque se sitúa “nunha curva e cruce de camiños”.
Ademais, advirten de “zonas afundidas que cada vez son máis habituais e que poden indicar un problema maior”. É por iso polo que queren trasladar formalmente ao goberno local a problemática desta vía “co ánimo de que teña en conta a necesidade de actuar para garantir a seguridade”.
Os concelleiros do PP condenan, ademais, que “a única medida que tomara o Concello ata agora sexa a colocación dunha placa metálica para tapar buratos, un parche provisional que molesta terriblemente aos veciños polo ruído que provoca o seu movemento cada vez que pasa un vehículo por enriba”.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
A entidade presentou hoxe a iniciativa nun acto no que participou a directora territorial da Consellería de Emprego, Comercio e Emigración, Carmen José López. As bases establecen tres categorías: ao mellor proxecto emprendedor -que leve como máximo 42 meses en marcha-, á mellor empresa, e ao mellor proxecto empresarial situado no rural. As persoas interesadas en inscribirse teñen de prazo desde hoxe ata o 28 de novembro.
Pódese axudar entregando: Auga embotellada, leite, alimentos non perecedoiros e artigos de limpeza persoal nos puntos de recollida habilitados na Casa do Concello e na Casa da Cultura (en horario de mañá).
O próximo martes, ás 20h, na Biblioteca Municipal de Viveiro, presentarase o número 189 do Terra e Tempo dedicado á primeira gran organización de masas do nacionalismo, a Asemblea Nacional-Popular Galega (AN-PG), que durou desde 1975 até 1982, cando se convertiu no BNG actual. Falarña desta etapa da nosa historia Francisco Luís Rodríguez Guerreiro e Néstor Rego Candamil, dúas persoas que a viviron en primeira persoa, aínda que con distintas idades. "Existimos porque houbo un tempo pasado no que tivemos vontade de ser".
Os/as pequenos/as da Escola Infantil Municipal defrutaron tamén da súa Festa de Samaín terrorificamente caracterizados para a ocasión.
A FEMP, Federación Española de Municipios e Provincias, traslada a petición da Federación Valenciana de Municipios, na que solicita que os concellos que queiran colaborar cos afectados pola DANA recollan auga, leite, alimentos non perecedoiros e produtos hixiénicos. "Se queres axudar, deposita no carro solidario a túa aportación". Os supermercados de Burela xa incluidos na campaña son Eroski Center, Alcampo, Eroski City, Claudio e Froiz. Iranse unindo os próximos días máis supermercados da vila
O vindeiro mércores día 6 de novembro, a libraría Bahía acolle a presentación da Guía micolóxica básica da provincia de Lugo. En colaboración coa Asociación Os Bolouros de Foz e a Asociación Micolóxica Lucus de Lugo. Estarán tamén os autores da publicación. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afecionados á identificación de fungos, coma para quen queren introducirse neste apaixoante mundo.
