Ribadeo, 13 de novembro, 2024. Nos últimos días o grupo municipal do BNG de Ribadeo presentou unha moción para que o depósito de fianza volva ser obrigatorio para todas as empresas do sector da madeira. Nas últimas horas o PP presentou a súa proposta para volver modificar a ordenanza, despois da primeira modificación que fixeron a finais de xaneiro deste mesmo ano, na que suprimían a obrigación. Para buscar o consenso e a estabilidade e evitar que a norma se estea modificando cada poucos meses, o BNG buscará un acordo co PP.
Pablo Vizoso declarou: “ Como xa dixemos hai poucos días, a última modificación da ordenanza fracasou estrepitosamente, en tan só 7 meses, por verse obrigado o concello a prohibir as cortas por primeira vez na historia. Desde este grupo municipal cremos que é necesario achegar estabilidade á norma para asegurar un correcto funcionamento das cortas e sacas de madeira, e máis tendo en conta os graves incendios do ano pasado. Facer dúas modificacións dunha ordenanza no mesmo ano é un signo de inestabilidade e mala planificación. Debemos recordar que a ordenanza orixinal levaba en vigor desde o ano 2013 e nunca dera que falar porque funcionaba de xeito correcto. Advertimos reiteradamente que isto ía pasar, pero agora xa foi e debemos buscar solucións”.
Vizoso propón: “Nós non somos partidarios de aumentar as sancións, xa que coa ordenanza orixinal nunca fixo falta sancionar nin executar unha soa fianza, co aviso de execución era suficiente para que as empresas levasen a cabo o arranxo. Inda así, se o goberno considera que é unha ferramenta útil estamos dispostos a apoialos, pero a cambio de que recuperen a obriga que levamos meses reclamando. Estabilidade e negociación é o que ofrecemos. Protexer a veciñanza é o máis importante”.
Esta xornada será dedicada a iniciación á cerámica raku, e nunha vindeira coceranse as pezas realizadas. Realizaranse en varias técnicas, tales como torno, placas, churros, pellizco, golpeteo, etc. Hai 2 prazas libres, das 12 totais. Este primeiro curso ofrécese gratuito, o mesmo que as pezas que se creen, que poderán levar os alumnos despois de cocidas.
Nesta ocasión, o Mesón Río Sor destacou como o gran gañador, grazas á súa tapa de “Carrilleira Ibérica”, a máis votada polo público ao longo do concurso.
O acto rematou cun sentido aplauso por parte dos asistentes. Á concentración acudiron o alcalde, concelleiras e concelleiros da Corporación Municipal de Ribadeo, funcionari@s, veciñanza e representantes de Acisa.
Xa está en marcha a campaña de recollida de xoguetes en colaboración con Mondoñedo, Xove e a asoc. Bispo Santo de Foz. Podénse depositar os xoguetes na Casa da Cultura e na Casa do Concello ata o 12 de decembro. A mercancía sairá rumbo a Valencia o 15 de decembro.
Unha obra de monicreques orientada a público infantil de 3 a 10 anos. A cita é ás 18 horas.
Os asistentes puideron degustar a precios populares castañas acompañadas de bocatas de panceta. A xornada foi amenizada a partir das 22.00 h coa actuación de DJ-OVO. Unha grande participación e o bo ambiente foron as notas predominantes dunha xornada que cumpriu amplamente as expectativas da Xunta Directiva.
Terá lugar o sábado, 16 de novembro, a partir das 12:00h. no Lugar das Marías (A Rigueira-Xove). Unha conversa con Berta Ojea sobre a publicación "A única, María Casarès", escrito por Anne Plantagenet e editado en galego por Kalandraka. Novembro é o mes de María Casares (21/11/1922-22/11/1996) e no Lugar das Marías vaise honrar a súa historia a través dun cuarto que leva o seu nome.
