Rosana Pérez denuncia que nos Orzamentos de 2025 non hai “nin un só euro” para o plan de competitividade anunciado antes das eleccións
Santiago de Compostela, 6 de novembro. A portavoz de Pesca do BNG, Rosana Pérez, acusou ao PP de empurrar ao sector marisqueiro a unha “situación terminal” e de levar anos traballando dende do Goberno da Xunta para “entregar o mar ás empresas de acuicultura ou, literalmente, de engorde de peixes”. “Primeiro levan a unha situación extrema ao sector, fan insostíbel a súa actividade, e logo, cando a auga chega ao pescozo das empresas da cadea, entréganlla directamente”, afirmou.
Nunha interpelación ao titular de Mar, Alfonso Villares Bermúdez, a deputada nacionalista advertiu que tanto o sector marisqueiro como as propias empresas consideran “deficiente e ineficiente” a xestión da extracción de bivalvos que fai o PP na Xunta, tal e como lle trasladaron ao propio conselleiro representantes da patronal nunha reunión da Comisión Mar Industria da Confederación de Empresarios de Galiza (CEG) celebrada no mes de xullo. “Sen cortarse un pelo tacharon a súa xestión, diante da súa propia cara, de deficiente e ineficiente”, asegurou Rosana Pérez.
A deputada nacionalista preguntou directamente ao conselleiro que vai facer para mellorar a súa xestión e pediulle que aclare se está do lado do sector marisqueiro ou das empresas “que se queren facer cos bancos marisqueiros”. “Vai vostede actuar para mellorar a xestión actual ou, directamente, vai culminar o plan de remate final do sector para levar a cabo un cambio de modelo da xestión do marisqueiro encuberto?”, cuestionou.
“Os orzamentos amosan claramente a quen ten decidido facer caso a Consellaría, e non é nin ao sector pesqueiro, marisqueiro e mexilloeiro nin ao BNG”, anticipou Rosana Pérez, quen asegurou no mesmo sentido que á vista deses presupostos a Xunta en mans do PP seguirá sen reaccionar para sacar o sector da crise na que se atopa. Denunciou, neste sentido, que o Plan de Competitividade e Sostibilidade 2024-25 para o Marisqueo, “publicitado pola Consellería dende decembro pasado para capear o temporal das eleccións de febreiro”, nin sequera existe no proxecto orzamentario. “Nin un euro para ese plan”, advertiu.
Nin decencia nin delicadeza
A interpelación do BNG chegou ao Parlamento logo do debate, na anterior sesión plenaria, da Iniciativa Lexislativa Popular asinada por máis de 18.000 galegos e galegas para pedir, entre outras cuestións, que a pesca, o marisqueo e a acuicultura fosen declaradas “a todos os efectos de interese xeral”, unha reivindicación que Rosana Pérez considerou “xusta e totalmente lóxica nun país altisimamente dependente da pesca como é o noso”.
É por iso que a deputada do Barbanza reprobou ao conselleiro a súa ausencia durante o debate da ILP. “Non tivo a decencia nin a delicadeza de estar presente, nin vostede nin ningún membro do Goberno galego, cando todo o sector reclamaba aquí que non deixen morrer o mar”, aseverou.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
