Tras unha primeira parte complicada a rebufo do Móstoles no marcador, as mariñanas remontan con tres goles nos minutos 28 e 29
Burela, 2 de novembro, 2024. Ás 11.00h desta mañá celebrouse a 8ª xornada da liga de Primeira División Iberdrola FS na que o Pescados Rubén Burela FS se enfrontou ao MRB Móstoles FSF no pavillón municipal Vista Alegre, cun resultado final 6-3.
Nunha primeira parte na que as Pícaras non se atopan na súa cancha, o Móstoles sobreponse logrando adiantarse no marcador en dúas ocasións antes do descanso. No minuto 3 Dany anota o primeiro tanto nun lanzamento que toca en Celia pero 2 minutos despois Benete empata o encontro cun tiro raso tras un roubo de balón. O xogo desenvólvese sen moitas ocasións durante os próximos minutos ata o minuto 11 que Caridad fai un paradón maxistral, sacando un balón que entraría pola escuadra nun disparo cruzado de Benete. Chega o segundo das visitantes no minuto 13, no que Celia anota tras recoller un balón longo e bater a Caridad, pero nun minuto o Burela volve poñer o marcador a ras cun roubo en primeira liña de Emilly que cede para que marque Patricia a pracer. A dous minutos do descanso unha acción de estratexia que resolve Benete cun disparo afastado leva ás madrileñas ao descanso con vantaxe no marcador, 2-3.
Segunda parte frustrante para as mostoleñas a partir do minuto 28 no que as locais comezan o seu recital final nesta xornada 8, ofrecendo un espectáculo que todo España puido ver por Teledeporte. Arrinca Patricia co gol do empate rematando no segundo pau a unha gran asistencia de Antía Pérez e segundos despois Dany tamén remata outro impecable pase, esta vez de Emilly, dende o á esquerda e poñendo por diante ao equipo que capitanea no marcador. Continua a maxia no minuto 29 no que a imparable Emilly anota o 5-3 despois dunha boísima triangulación entre Cami, Dany e Cilene. É neste mesmo minuto no que Patri Chamorro aposta polo xogo de 5 sacando a Benete coa elástica de porteira-xogadora, logrando conter a presión o Pescados Rubén ata o final do partido, non sen antes anotar o sexto nos últimos segundos cun gol de Caridad a portería baleira.
A dous puntos do Futsi na clasificación o Pescados Rubén Burela FS mantense en segundo posto. O vindeiro sábado día 9 as burelenses enfrontaranse a outro derbi galego ante o Ourense Ontime, no pavillón dos Remedios ás 19.30h.
Ficha Técnica Pescados Rubén Burela FS 6-3 MRB Móstoles FSF
Pescados Rubén Burela FS (6): Caridad; Dany (C), Dinha, Noelia Montoro, Emilly- cinco inicial-, Patricia, Carolina Pedreira, Débora, Cami, Antía Pérez, Cristina. Entrenador: Julio Delgado.
MRB Móstoles FSF (3): Pitu; Nere Moldes, Inma, Benete, Celia -cinco inicial-, Claudia, Montufo, Piti, Luchi, Clau, M.Serrano. Entrenadora: Patri Chamorro.
Goles: 1-0, min.3: Dany. 1-1, min:5: Benete. 1-2, min.13: Celia. 2-2, min.14: Patricia. 2-3, min.18: Benete. 3-3, min.28: Patricia. 4-3, min.28 Dany. 5-3, min.29: Emilly. 6-3, min.40: Caridad.
Árbitros: Rubén Ferrero Carballal, Sergio Sánchez Llorente, Pablo Coello Martínez, Andrea de Luis Iglesia.
TA: Carolina Pedreira, Emilly, Benete, Nere Moldes.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
