O Deputado de Promoción Económica e Social anunciou a aprobación das bases e a convocatoria do programa de termalismo da institución provincial, que esta edición “potenciamos cunha subida do investimento de 91.000€ a 121.605€, e das prazas pasando de 1.340 a 1.750, co fin de mellorar o benestar e a calidade de vida dos veciños e veciñas da provincia”
Lugo, 28 de novembro de 2024. A Deputación de Lugo vén de aprobar este xoves as bases e a convocatoria dunha nova edición do programa Lugo Termal para a temporada 2024-2025, que experimenta un significativo incremento no investimento e nas prazas. Así o anunciou o Deputado de Promoción Económica e Social, Pablo Rivera Capón, na rolda de prensa posterior á Xunta de Goberno, na que informou que esta temporada, “o investimento total do programa aumenta nun 30%, pasando de 91.000€ a 121.605€, polo que, nos permite ofrecer ata 1.750 prazas, o que supón un aumento de 410 prazas en comparación coa edición anterior”.
Pablo Rivera destacou que o aumento das prazas reflicte o compromiso da Deputación “para mellorar o benestar e a calidade de vida dos veciños e veciñas, ao mesmo tempo que se aposta por fortalecer e potenciar a economía”.
“Estamos a realizar un esforzo significativo para impulsar a economía vinculada ao turismo termal e apoiar os establecementos da nosa provincia, fomentando a súa actividade en tempada baixa”, subliñou. Nesta liña, comparou as prazas que pon a disposición a institución provincial coas da Xunta de Galicia para toda a comunidade autónoma “unhas 1.230 prazas, 520 menos das que ofrecemos nós na Deputación tan só para a provincia de Lugo”.
1.100 prazas con estancia e 650 sen estancia
O programa Lugo Termal ofrece aos veciños e veciñas da provincia descontos en tratamentos termais nos balnearios de Lugo, Pambre, Guitiriz e Pantón. Está dirixido a persoas empadroadas na provincia que teñan 50 anos ou máis. Os beneficiarios poderán acudir a estes establecementos cun acompañante que non teña necesariamente esta idade.
As prazas están dispoñibles en dúas modalidades: con estancia e sen estancia, adaptándose así ás necesidades e preferencias de todos os usuarios. Concretamente, o programa contará con 1.100 prazas con estancia: 40 no Balneario Termas de Lugo, 60 no Balneario Río Pambre, 500 no Balneario de Guitiriz e 500 no Hotel Balneario Augas Santas. Ademais a Deputación ofrecerá outras 650 prazas sen estancia: 200 no Balneario lucense das Termas, 150 no Balneario Río Pambre, 150 no Balneario de Guitiriz e 150 no Hotel Balneario Augas Santas.
“Nesta nova edición, a número 13, os beneficiarios do programa terán descontos de entre un 10 e un 20%”, en función da modalidade –con estancia ou sen estancia, explicou o Deputado de Promoción Económica e Social. Así mesmo, sinalou, que como en anos anteriores, “haberá diferentes técnicas e tratamentos a disposición das persoas usuarias”.
As bases sairán publicadas este sábado no Boletín Oficial da Provincia, e a partir do vindeiro luns, 2 de decembro, os interesados poderán formalizar as solicitudes para poder acceder a unha das 1.750 prazas ofertadas que se validarán por orde de rexistro.
Nesta ocasión, a data elixida para desenvolver a actividade é o sábado 7 de decembro, ás 12:00 horas, na Casa do Concello; e ás 17:00 horas, na Casa da Cultura. Os Beléns de plastilina permanecerán expostos ao público durante todo o Nadal.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
