Lugo, 8 de novembro de 2024. A Xunta de Goberno da Deputación de Lugo aprobou este venres novos investimentos cos concellos da Pontenova, Taboada, Foz e Viveiro para desenvolver diferentes actuacións que contribúan a mellorar a calidade de vida dos veciños e veciñas da provincia.
Por unha banda, a institución provincial achegará algo máis de 122.000€ á Pontenova para desenvolver dous proxectos. O Deputado de Promoción Económica e Social, Pablo Rivera Capón, informou que “desta cantidade preto de 65.000€ van destinados ao acondicionamento e creación dun novo anexo no único parque infantil deste municipio, situado na praza dos Fornos”.
O proxecto inclúe a substitución do pavimento de caucho, así como os xogos deteriorados polo paso do tempo, o uso e a climatoloxía. Ademais, tamén está prevista a construción dunha cuberta de pizarra na que se instalarán canalóns de aluminio. “Coa posta en marcha deste espazo e o correspondente arranxo do parque actual continuamos mellorando e dotando de novos servizos ao rural da nosa provincia. Deste xeito, os nenos e nenas da Pontenova e tamén as súas familias poderán desfrutar dunhas instalacións de calidade, cómodas e seguras”, avanzou Pablo Rivera.
O acordo de colaboración tamén inclúe algo máis de 57.000€ para realizar obras de acondicionamento e mellora en camiños municipais do núcleo de Souto de Mogos, situado na parroquia de Conforto. Esta actuación reforzará o firme existente mediante a pavimentación con aglomerado en quente “mellorando así a accesibilidade e a mobilidade da veciñanza da zona, na que tamén se atopan varias parcelas de uso agrícola que se verán directamente beneficiadas”.
Por outro lado, a Xunta de Goberno deste venres aprobou un convenio con Taboada de 105.000€ para realizar as seguintes actuacións:
– 30.170€ empregaranse para iniciar a reforma que converterá a antiga Casa Escola da Parroquia de Meixonfrío nun local social. Rivera Capón destacou que “con esta obra, na que se acondicionará de xeito integral toda a estrutura, damos resposta a unha demanda dos veciños e veciñas desta parroquia, que poderán desfrutar dun espazo de encontro onde realizar diferentes actividades”.
– Os 75.000€ restantes serán para acondicionar o Camiño das Neves, na parroquia de Meixonfrío, que dá acceso ás vivendas situadas no núcleo de Cadeiroás, Zoas e ao vial que une os núcleos de Friamonde e Couso, en Mourelle. Ademais, tamén se van realizar melloras no camiño da Bouza a Maxal que dá acceso ás vivendas do núcleo de Faquios e A Casilla. Nos dous casos mellorarase o pavimento e procederase á limpeza de cunetas co fin de facilitar a circulación das augas.
O Concello de Foz recibirá unha achega de 105.000€ para renovar o firme e realizar o repintado completo das rúas Alfonso X e Alfredo Brañas. Pablo Rivera sinalou que “esta actuación, que financiamos na súa totalidade desde a Deputación de Lugo, encaixa plenamente co modelo de Concello que se impulsa desde o Goberno local: un Foz moderno, seguro e pensado para o benestar da súa xente. Con esta iniciativa, non só melloramos a mobilidade e a seguridade viaria, senón que reforzamos o atractivo da vila para quen a visita, contribuíndo a dinamizar a vida social e económica do municipio”.
Por último, en materia de convenios aprobouse destinar ao Concello de Viveiro preto de 82.000€ para colaborar coa montaxe do Belén Xigante. Rivera Capón fixo referencia a importancia desta iniciativa como “reclamo turístico na comarca mariñá, pois son máis de 25.000 as persoas que a visitan cada ano o que repercute de xeito directo na economía da zona”.
VIII Concurso Fotográfico das Reservas da Biosfera Terras do Miño e Os Ancares Lucenses
Na sesión de hoxe aprobouse a convocatoria e as bases reguladoras da VIII edición do Concurso de Fotografía das Reservas da Biosfera Terras do Miño e Os Ancares Lucenses. Nesta ocasión, o fío condutor será o Patrimonio etnográfico material das Reservas, que representan ou describen estes territorios que contan cun gran patrimonio natural vencellado aos sistemas de aproveitamento sostible dos recursos naturais.
O prazo de presentación de solicitudes será de dous meses naturais tras a publicación da convocatoria e as bases no Boletín Oficial da Provincia (BOP) nos vindeiros días. Establecese un primeiro premio de 800€, un segundo de 500€ e un terceiro galardón de 300€.
Venda dunha parcela no polígono industrial de Friol
Por último, a Xunta de Goberno aprobou a adxudicación directa da parcela número 10 do polígono industrial A Gándara, de Friol por un importe de 33.412,44€. Pablo Rivera informou que “neste polígono temos vendidas 29 parcelas, das 55 existentes, quedando libres 26 parcelas”.
Esta xornada será dedicada a iniciación á cerámica raku, e nunha vindeira coceranse as pezas realizadas. Realizaranse en varias técnicas, tales como torno, placas, churros, pellizco, golpeteo, etc. Hai 2 prazas libres, das 12 totais. Este primeiro curso ofrécese gratuito, o mesmo que as pezas que se creen, que poderán levar os alumnos despois de cocidas.
Nesta ocasión, o Mesón Río Sor destacou como o gran gañador, grazas á súa tapa de “Carrilleira Ibérica”, a máis votada polo público ao longo do concurso.
O acto rematou cun sentido aplauso por parte dos asistentes. Á concentración acudiron o alcalde, concelleiras e concelleiros da Corporación Municipal de Ribadeo, funcionari@s, veciñanza e representantes de Acisa.
Xa está en marcha a campaña de recollida de xoguetes en colaboración con Mondoñedo, Xove e a asoc. Bispo Santo de Foz. Podénse depositar os xoguetes na Casa da Cultura e na Casa do Concello ata o 12 de decembro. A mercancía sairá rumbo a Valencia o 15 de decembro.
Unha obra de monicreques orientada a público infantil de 3 a 10 anos. A cita é ás 18 horas.
Os asistentes puideron degustar a precios populares castañas acompañadas de bocatas de panceta. A xornada foi amenizada a partir das 22.00 h coa actuación de DJ-OVO. Unha grande participación e o bo ambiente foron as notas predominantes dunha xornada que cumpriu amplamente as expectativas da Xunta Directiva.
Terá lugar o sábado, 16 de novembro, a partir das 12:00h. no Lugar das Marías (A Rigueira-Xove). Unha conversa con Berta Ojea sobre a publicación "A única, María Casarès", escrito por Anne Plantagenet e editado en galego por Kalandraka. Novembro é o mes de María Casares (21/11/1922-22/11/1996) e no Lugar das Marías vaise honrar a súa historia a través dun cuarto que leva o seu nome.
