Un alumno do IES de Foz, prata no XXIII Campionato Internacional de Pizza Picante de Italia

Foz 22 de outubro, 2024. Eloi Tre Polo, alumno de 2º de Cociña no IES de Foz vén de gañar o trofeo de prata no XXIII Campionato Internacional de Pizza Picante celebrado en Scalea, Calabria (Italia). É a segunda vez que o IES de Foz participa neste concurso organizado polo “Movimento Pizzaioli Italiani”, a maior asociación de pizzeros de toda Italia que forma aos mellores pizzeros do mundo.

O alumno estivo acompañado da súa profesora de pastelería, Conchi Carreiras, coa que preparou unha pizza ao aroma de pemento de Padrón e queixo Tetilla.

Esta mobilidade está encadrada dentro do programa Erasmus+, da acción 2024-1-ES01-KA121-VET-000209232 que dotou ao IES de Foz con 24656 euros. Grazas a Erasmus+ o alumnado de ciclos formativos de grao medio pode participar en concursos relacionados coa FP en Europa, unha oportunidade única para aprender, prepararse e coñecer outras gastronomías.