A CIG fai un chamado a intensificar a mobilización e implicar a toda a comarca na defensa dun futuro industrial e con emprego
San Cibrao, a 22 de outubro de 2024. O 100% do persoal de Edyproga secundou este martes a folga de unha hora convocada en resposta ao despedimento de seis traballadores. Coincidindo co paro laboral, que ten carácter indefinido, o persoal desta auxiliar de Alcoa saíu ás 7 de mañá en manifestación dende o restaurante Sierra até a porta da factoría para exixirlle á multinacional que execute os investimentos e cumpra co plan de viabilidade.
Na protesta, o persoal estivo arroupado por numerosos compañeiros e compañeiras doutras contratas -que tamén ven como a continuidade dos seus postos de traballo está ameazada pola drástica redución do volume de gasto en investimento de Alcoa-, polos delegados/as da CIG na principal e polo propio secretario xeral da CIG, Paulo Carril.
A CIG denuncia que a realidade que busca Alcoa para o complexo de San Cibrao ten como primeiro damnificado ao persoal da industria auxiliar e advirte que os despedimentos en Edyproga son a punta dunha crise nas contratas ante a proximidade do remate das garantías de emprego, a falta de carga de traballo e o incumprimento reiterado do acordo asinado en decembro de 2021, que incluía compromisos clave para garantir o futuro da factoría.
Neste contexto de incerteza, a CIG chama a intensificar a mobilización conxugando as protestas xa convocadas na industria auxiliar e na principal, de cara a organizar unha resposta masiva e unitaria para frear os plans de desmantelamento de Alcoa. A central nacionalista apela a traballar até conseguir implicar a toda a comarca na defensa dun futuro con industria e con emprego, tal e como se fixo en 2020 despois da presentación do ERE, cando baixo a consigna “A Mariña sálvase loitando”, a mobilización social logrou parar os plans de peche de Alcoa e obrigou as distintas administracións a ter un papel activo no conflito.
Alcoa ten que cumprir co acordo
En relación ao anuncio de Alcoa do acordo coa empresa IGNIS, o responsábel da CIG-Industria na Mariña, Unai Donoso, sinala que “para nós este acordo non é positivo mentres non se acometan e executen os investimentos comprometidos e o plan de viabilidade”. Donoso insiste en que Alcoa debe garantir a continuidade de todos e cada un dos postos de traballo, tanto da fábrica principal como nas empresas auxiliares, nas que xa hai compañeiros/as despedidos como os de Edyproga, e novas ameazas de despedimentos pola falta de carga de traballo.
Para a CIG a viabilidade da fábrica pasa pola execución inmediata dos investimentos recollidos no acordo de 2021 “e por un plan sólido que non só beneficie á Alcoa, senón que tamén garanta o emprego e o futuro das preto de 2.000 familias que dependen directamente do complexo industrial”.
A este respecto, Donoso reitera que a venda parcial da planta a IGNIS non será positiva mentres non se materialicen os investimentos -incluíndo o proxecto do forno de cocción de ánodos- e se cumpran os prazos de rearranque; non estea garantida a continuidade de todos os postos de traballo, incluíndo os das empresas auxiliares; e que non se renegocie o acordo de viabilidade asinado, “que debe manterse para salvagardar os intereses e dereitos dos traballadores/as”.
Para a CIG, nestes momentos, Alcoa carece de credibilidade para sentar nunha mesa polo que reclama a implicación urxente das administracións “para conseguir que se garantan as medidas comprometidas” e, de ser necesario, que se proceda á intervención da planta. Nesta liña, a central reivindica que calquera xuntanza para explicar este novo plan de Alcoa se dea no marco da mesa de seguimento ou, en calquera caso, en presenza do Goberno estatal e galego que deben velar pola continuidade industrial e dos postos de traballo.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
