Antonio Ameijide pide “unha reformulación” das bases de cara á convocatoria de 2025, así como que se publiquen as mesmas a comezos de ano e se resolvan con maior axilidade: “tanto PSOE como BNG presumen de iniciar o ano cos orzamentos en vigor, logo por que non convocan as axudas en xaneiro?”
Lugo, 1 de outubro de 2024. O portavoz do Grupo Provincial Popular, Antonio Ameijide, denuncia que “xa van cinco meses” dende que o goberno provincial convocou as subvencións de concorrencia competitiva de cultura para o ano 2024 o que evidencia “a mala xestión do BNG á fronte desta área”: “agora non so chegan tarde, senón que seguen sen resolver”.
Antonio Ameijide lamenta “que se manteña a dinámica de anos anteriores” cando tamén se convocaron as axudas no mes de abril e non se resolveron ata finais de novembro. “Non poden apurar tanto os prazos porque o prazo de execución das axudas remata o 31 de decembro”, sinalou, ao que engade que “esta forma de traballar do BNG o que fai é que ter en vilo ás asociacións porque no saben cos fondos cos que poden contar”.
A realidade é que as asociacións non disporán practicamente de tempo para organizar, celebrar e pagar para xustificar as actividades, mentres que “haberá outras que se arrisquen a adiantar o fondos sen saber se dispoñen da axuda coa que contribuír a financiar as súas actividades”.
Dende o Grupo Provincial Popular propoñen ao goberno provincial que se aproben con maior antelación as bases para poder publicar as axudas e que o tecido asociativo solicite as mesmas. “Tanto PSOE como BNG presumen de ter os orzamentos en tempo e forma, polo que non sabemos por que non se aproban as bases con maior antelación para que as asociacións dispoñan de maior tempo”, preguntou.
A forma de traballar do BNG á fronte de Cultura provoca que as bases se publiquen tarde, polo que tamén se tarda en resolver o que provoca que haxa renuncias e perdas das axudas como consecuencia dos atrasos.
Por exemplo, na xunta de goberno provincial do pasado venres (27 de setembro) aprobouse a renuncia a unha das subvencións destinadas a entidades asociativas culturais da provincia de Lugo en concorrencia competitiva para a realización de investimentos en instalacións de carácter cultural e para equipamentos culturais, ano 2023, unha axuda por valor de 1.068,00€.
Do mesmo xeito, houbo ata 15 entidades que perderon o dereito ao cobro das subvencións concedidas polo procedemento de concorrencia competitiva destinadas a entidades asociativas culturais da provincia de Lugo, para a realización de actividades de interese cultural na anualidade 2023, tal e como aprobaron na xunta de goberno provincial do 15 de decembro de 2023.
Por este motivo, dende o Grupo Provincial Popular piden ao goberno provincial “reformular” as bases e a convocatoria para evitar este tipo de situacións e, sobre todo, “que as entidades dispoñan de maior tempo para dispoñer dos fondos, fundamentais para desenvolver as súas actividades”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
