No documento que se elaborará coas achegas que realicen os representantes do PP de todos os concellos se incluirá a necesidade de que a Deputación colabore cos concellos na recollida de animais abandonados coa creación, polo menos, de tres centros de acollida, un na zona norte, outro no centro e un terceiro no sur de da provincia
Lugo, 8 de outubro de 2024. Os deputados do Grupo Provincial Popular comezaron na zona sur da provincia as xuntanzas con alcaldes e portavoces do PP nos diferentes municipios, “o único xeito de coñecer as necesidades dos lucenses, falar coas persoas que están con eles no día a día e saben todas as dificultades que teñen que afrontar”.
Nesta primeira xuntanza, ademais dos deputados Antonio Ameijide, Luis Fernández e Héctor Corujo, estiveron presentes, e aportaron achegas, representantes de Monforte de Lemos, Bóveda, Folgoso do Courel, Pantón, A Pobra do Brollón, Quiroga, Ribas de Sil, O Saviñao, Antas de Ulla, Carballedo, Chantada e Taboada.
Unha xuntanza na que quedou patente a necesidade de que a Deputación cumpra coas súas obrigas segundo a Lei 7/2023, do 28 de marzo, de protección dos dereitos e o benestar dos animais, e colabora cos concellos na recollida dos animais abandonados xa que os municipios “non teñen nin a capacidade económica nin de persoal para asumir todas as competencias que se establecen nesta lei que entrou en vigor o 29 de setembro de 2023”.
Antonio Ameijide explica que nesta primeira xuntanza todos os representantes dos concellos coincidiron en sinalar que “practicamente en todos os casos estas competencias son imposibles de asumir para pequenas poboacións xa que non teñen nin medios técnicos nin económicos suficientes”.
Unha situación ante a que hai unha realidade clara: “o goberno provincial de PSOE e BNG non colaborou con ningún concello da provincia neste eido”.
Deste xeito, no documento que se elaborará con todas as propostas recollidas nas diferentes xuntanzas pedirase que a Deputación se implique na recollida dos animais abandonados. “Primeiro, porque esta lei así o establece e, segundo, porque é unha obriga da Deputación colaborar cos municipios”, explicou.
Deste xeito, pedirase a creación de centros de acollida en toda a provincia, polo menos un centro para a zona norte, outro para o centro e outro no sur, para así colaborar con todos os concellos da provincia, independentemente da zona na que se atopen.
SITUACIÓN DAS ESTRADAS PROVINCIAIS
O nefasto estado de mantemento das estradas provinciais foi outra das reclamacións comúns dos representantes dos diferentes concellos que cualificaron de “perigosas” estas vías de comunicación que teñen que vertebrar a comunicación entre os municipios.
Antonio Ameijide recorda como a rede viaria provincial “é a máis extensa de España e é unha realidade grazas a gobernos do PP á fronte da Deputación que a crearon con moitos menos medios dos que dispoñen PSOE e BNG para o seu mantemento”.
Ameijide indicou que se incluirá esta reivindicación no documento que se elaborará xa que “o mantemento da rede viaria é fundamental porque garantir a seguridade de todos os usuarios destas vías é prioritario”.
Neste senso, o voceiro popular recordou que hai que realizar o mantemento do firme, colocar todos os elementos de seguridade necesarios ademais de realizar os desbroces que “en pleno mes de outubro hai concellos nos que aínda non se rozou nin un quilómetro de estradas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
