Os populares inciden en que “o bipartito non está a realizar os labores de control sobre os servizos externalizados de conserxería, limpeza e mantemento nas instalacións deportivas”; é dicir, “despreocúpase” e “non controla o gasto de diñeiro dos vilalbeses e vilalbesas”
Vilalba, 23 de outubro de 2024. Os concelleiros do PP de Vilalba comparten o malestar dos vilalbeses e vilalbesas ante a “ausencia total de xestión, preocupación e control” do goberno municipal en materia de deportes como evidencia “a falta de control de apertura e peche no pavillón municipal e o mal estado do terreo de xogo do estadio municipal da Magdalena”. Nese sentido, condenan “o abandono total das súas funcións” porque deriva “no descontrol dos cartos de todos os vilalbeses e vilalbesas”.
Os populares advirten que “a pasada semana o pavillón quedaba aberto e coas luces acendidas a medianoite despois dun partido de fútbol sala”. O Concello é o responsable do servizo de limpeza e conserxería das instalacións deportivas municipais que ten externalizado; pero “o goberno local non fai o debido seguimento da prestación deste servizo ao que dirixe diñeiro de tódolos vilalbeses”. Ademais, o feito de que ninguén peche ou apague as luces, supón outro gasto para as arcas municipais: o incremento da factura da luz de forma innecesaria.
O estado do estadio municipal da Magdalena é moi deficiente debido á falta dun mantemento adecuado do terreo de xogo, a pesar de que “o Concello dirixe 4.000 euros ao mes para o coidado da Magdalena, pero sen controlar os traballos”. E “iso impide que poida acoller distintas competicións”, é dicir, “Vilalba dispón dunha instalación deportiva que non se pode empregar”.
Os populares piden ao goberno local “tomar medidas” de forma inmediata porque “esta situación pode empeorar de cara ao inverno”. O club local -o Rácing Club Villalbés- terá que celebrar, por primeira vez, un dos seus encontros como local noutra localidade.
Os concelleiros do Grupo Municipal Popular esixen “máis control” por parte da concellería de deportes sobre os servizos de limpeza e conserxería, como teñen demandado noutras ocasións, e nos labores de mantemento do campo da Magdalena que permitan darlle uso en condicións de seguridade aos usuarios e usuarias.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
