Julio Abalde sinala que os Orzamentos para 2025 son “continuístas” e fracasan ao propoñer solucións erradas para o sector da pesca
Santiago de Compostela, 29 de outubro de 2024. O portavoz de Pesca do Grupo Socialista, Julio Abalde, esixiulle á Consellería do Mar que aproveite os Orzamentos do ano 2025 para poñer “axudas enriba da mesa” para garantir a supervivencia do sector marisqueiro. Así o dixo na comparecencia do conselleiro na Comisión de Orzamentos do Parlamento para presentar as contas para o próximo ano.
O responsable socialista alertou de que o sector “require respostas para o ano 2025” e por iso esixiulle que “poñan buzo de traballo e tomen medidas inmediatas” para axudar a un sector do que dependen 7.000 persoas en toda Galicia e que hoxe se atopa “totalmente paralizado”. Puxo en dúbida os apenas 9 millóns de euros que prevé a Consellería para afrontar os paros biolóxicos que hoxe xa están sen actividade porque os moluscos non acadan a idade comercial.
Advertiu que o sector “síntese defraudado” polas medidas que suxire a Consellería sen pararse a escoitar aos que traballan a pé de praia, e que se enfrontan a un 2025 “baleiro de ingresos”. Esixiulle que “asuman a súa responsabilidade e muden as políticas”, que sinalou que “están baseadas en palabras grandilocuentes e mantras” ineficaces cando os traballadores e traballadoras do mar precisan “accións prácticas, efectivas”.
Sinalou neste sentido que o escaso interese do goberno galego deriva en destinar tan só 1,5 millóns de euros para semente de moluscos en toda Galicia, cando a Deputación da Coruña, sen competencias na materia, destina 900.000 euros só para unha provincia. Ademais, apuntou que ao destinar tan só 10 millóns de euros para a rexeneración das rías entre os anos 2013 e 2023 “non di nada da capacidade inversora” do goberno galego.
Esixiulles que “a lo menos executen o presupostado”, logo de lembrar o problema de fondos por parte do goberno galego, que deixou sen executar boa parte dos fondos procedentes do Fondo Europeo Marítimo de Pesca e Acuicultura procedentes da UE, que o propio conselleiro cifrou en 50 millóns de euros durante este exercicio. Abalde advertiu que estas cifras “evidencian un problema de execución e plantexamento”.
Afeoulle ao goberno galego que “fagan as cousas sen planificación”, cando o sector afronta un “importante problema de falla de relevo xeracional” precisamente porque a xente nova non se quere incorporar a un sector mentres non sexa “eficiente e produtivo”, mentres o goberno galego mira para outro lado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
