O Concello de Viveiro e a Xunta de Confrarías da Semana Santa estarán presentes na feira internacional de arte Sacra “Sacrum”

Viveiro, 23 de outubro, 2024. Este evento celébrase este venres e sábado (25 e 26 deste mes) no palacio de Congresos de Torremolinos (Málaga), abarca desde unha exposición de arte Sacra, un Certame de música sacra, unha feira de turismo cultural e relixioso e diversas conferencias e mesas redondas. No mesmo estarán presentes máis de 200 expositores e representadas mais de 30 Semana Santas de toda España con 6000 metros de exposición e na cal se esperan máis de 15000 asistentes.

A Semana Santa de Viveiro convidada pola Rede Europea de Semana Santa e Pascua estará presente na mesa de “ patrimonio inmaterial sacro” na cal se presentasen algúns dos actos máis importantes dos que conforman este patrimonio inmaterial sacro en España, Os Incensarios de Loja, os picádevos de San Vicente de Sonsierra, as figuras Bíblicas de Puentegenil e o Santo Encontro de Viveiro.

Coa presenza neste importante evento internacional seguimos potenciando a nosa Semana Santa e dando a coñecer unha das nosas xoias, O Santo Encontro que organiza desde tempo inmemorial a Venerable Orde Terceira Franciscana na mañá do venres Santo.