Nesta parroquia tamén se vai ampliar a rede de saneamento por un valor de máis de 100.000 euros procedentes do remanente de tesourería
Cervo, 23 de outubro de 2024. O Concello de Cervo está acometer estes días traballos de mellora da iluminación na parroquia de Castelo, en concreto nos lugares de Motín e Castro, e que supoñen a instalación de 37 luminarias novas.
A alcaldesa Dolores García Caramés, supervisou os traballos acompañada da concelleira Mali Méndez e do edil Alfredo Fernández, unhas obras que supuxeron un investimento de 40.000 euros cofinanciados entre o Concello e o Fondo de Compensación Ambiental da Xunta de Galicia.
Proxectouse pois –explicaron- unha reforma da instalación do alumeado público en parte soterrado o que embelece tamén os nosos barrios, coa instalación de novas luminarias que responden ao criterio da eficiencia enerxética, que supoñen un aforro da potencia instalada do 44%.
A alcaldesa explicou que con esta actuación seguimos investindo na mellora dos servizos nas nosas zonas rurais incidindo tamén no aspecto da mellora da seguridade ao reforzar a iluminación con novos puntos de luz.
E esta actuación –apuntou- non só implica a instalación en si de novas luminarias senón tamén o uso dunha tecnoloxía máis eficiente, que nos permitirá aforrar enerxía e reducir custes, en consonancia tamén coa nosa aposta polo respecto ambiental. Cada pequeno paso que damos neste senso é un avance cara a un futuro máis sustentable, salientou.
A alcaldesa tamén incidiu noutra importante obra que se vai acometer nos próximos meses tamén na parroquia de Castelo e que implicará a creación da rede de saneamento no lugar de “A Chousa de Motín”, por un valor de 108.724,48 euros. O proxecto contempla a creación dunha nova rede de sumidoiros de augas residuais en tubos de PVC entre pozos de rexistro e executaranse as acometidas domiciliarias, tamén se renovará a pavimentación dos tramos de calzada afectados, mellorando tamén as condicións de accesibilidade.
Esta actuación sufragarase con fondos do remanente líquido de tesourería.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
