A proposta de modificación de crédito extraordinario foi aprobada na última sesión plenaria para adaptar os recursos ás necesidades actuais do municipio
Cervo, 8 de outubro de 2024. O concello de Cervo aprobou na última sesión plenaria unha proposta de modificación de crédito do orzamento baixo a modalidade de crédito extraordinario co obxectivo de executar parte do remanente líquido de tesourería do ano 2023 para facer fronte a diferentes actuacións importantes.
Con esta modificación orzamentaria farase uso de parte do remanente do curso anterior, para efectuar tres actuacións diferentes, por un valor de 326.252,39 euros.
As obras que se van levar a cabo os vindeiros meses con fondos do remanente de tesourería son:
A creación da rede de saneamento no lugar de “A Chousa de Motín”, na parroquia de Castelo por un valor de 108.724,48 euros. O proxecto contempla a creación dunha nova rede de sumidoiros de augas residuais en tubos de PVC entre pozos de rexistro e renovaranse as acometidas domiciliarias, tamén se renovará a pavimentación dos tramos de calzada afectados, mellorando tamén as condicións de accesibilidade.
A renovación da rede de saneamento en Figueirido, por un importe de 48.176,71 euros. O proxecto consiste o acondicionamento das redes de saneamento existentes de fecais e pluviais, substituíndo os tramos de rede de abastecemento de auga obsoletos e en mal estado, repoñendo o pavimento afectado durante a actuación.
A mellora das comunicacións no núcelo da Senra por un importe de 169.351,20 euros. A obra abrangue a retirada da parte superior da capa de rodadura existente, o fresado dos firmes asfaltados para a reposición con rodadura bituminosa, executando, así mesmo, canlóns de formigón para a recollida de pluviais.
A alcaldesa, Dolores García Caramés, explicou que grazas a unha xestión rigorosa e responsable das arcas públicas, nos próximos meses poderemos acometer estas obras que son moi importantes para o desenvolvemento das nosas zonas rurais, a través dunha modificación orzamentaria que nos permite adaptar os nosos recursos ás necesidade actuais do noso concello.
O remanente de tesourería que fomos sumando bríndanos agora a oportunidade de seguir investindo en proxectos que beneficiarán a todos, neste caso centrados na mellora das infraestruturas de diferentes núcleos do concello.
A rexedora puxo de manifesto que a xestión eficiente non só se mide en números “senón na capacidade de ir investindo ese excedente en iniciativas que dean resposta ás necesidades da nosa veciñanza”, e ese é o camiño que este equipo de goberno pretende seguir, baixo a premisa de que todos os cidadáns, sen importar se viven nas zonas urbanas ou rurais, poidan desfrutar duns servizos e infraestruturas de calidade.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
