“Pedimos a colaboración dos veciños para que non aparquen nas zonas afectadas, porque precisamos que as rúas estean libres de coches para proceder”, indica o edil Ramiro Fernández Rey
Burela, 14 de outubro de 2024. O Concello de Burela retomará este mércores , día 16 de outubro, os traballos de asfaltado de diversas rúas da vila que comezaron a pasada semana, polo que solicita a colaboración da veciñanza para liberalas de coches aparcados antes do comezo das obras.
As obras serán na rúa Beiramar entre o cruce das rúas Nosa Señora do Carme e Rosalía de Castro, na rúa da Pedra, na rúa da Cova Moura e na rúa Nosa Señora do Carme.
Nesta última rúa non se actuará na súa totalidade, se non unicamente nas partes que se atopan máis deterioradas. Concretamente, entre o cruce da vía do tren e a rúa Cova Moura e entre as rúas Curros Enríquez e Eijo Garay.
Ademais disto tamén se renovará a rúa Pedrón Salgueiro, entre a avenida de Arcadio Pardiñas e o cruce das Lamas na rúa do Río Sor. Hoxe, luns 14 de outubro, comeza o traballo de sinalización nas rúas.
“Pedimos a colaboración dos veciños para que non aparquen nas zonas afectadas, porque precisamos que as rúas estean libres de coches para proceder”, indica o concelleiro de Obras, Ramiro Fernández Rey.
Fernández Rey afirma que “a previsión é que os traballos rematen o xoves, se as rúas están sen coches e as condicións meteorolóxicas o permiten”. “Se o mércores houbese coches aparcados, o Concello terá que actuar para poder facer os traballos”, engade.
“Van ser cortes puntuais, non debería haber ningún corte total, e se informará á veciñanza das alternativas dispoñibles aos tramos cortados”, puntualiza o edil.
“Sentimos as molestias ocasionadas, pero pedimos a comprensión da veciñanza porque é necesario realizar estas obras para mellorar o estado das rúas”, sinala o concelleiro. “Queremos evitar en medida do posible ter que mover ningún coche nin sancionar a ninguén”, subliña Fernández Rey.
Os traballos supoñen un investimento de 126.000€, “unha cantidade importante que se suma a todo o que levamos investido nos últimos anos en manter as nosas rúas nas mellores condicións posibles”, conclúe.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
