Gustoume esta definición a primeira vez que a escoitei. E chegou o momento de poder empregala.
Fun ao cine a ver Soy Nevenka, e noxo máximo é o que me produce toda esta historia, o abuso de poder e o acoso dun alcalde; as miradas cara outro lado das compañeiras e compañeiros dunha muller, que para poder vivir e seguir respirando tivo que abandonar Ponferrada e España; as críticas dunha sociedade rancia, moi rancia, que prefería fiarse das mentiras e dos bulos dun todopoderoso político e do efecto ventilador, antes que da versión dunha rapaza e novel concelleira.
Noxo máximo é pouco para definir o que sentín ao coñecer esta historia hai máis de 20 anos. Noxo máximo é o que me produce ao lembrar nos documentais e nas entrevistas a prepotencia, a verborrea e as saídas de ton dese individuo, o primeiro político condenado por acoso sexual neste país. Noxo máximo cara un fiscal que tivo que ser apartado do caso e cara unha sentencia que deixa moito que desexar (nove meses de prisión, multa de pouco máis de 6.000, que foron rebaixados a 2.000, e indemnización de 12.000 euros).
Noxo máximo producíronme algún coñecido locutor radiofónico que por aquel entón poñía a man no lume polo acosador e moitas divas xornalistas e o seu tratamento dun caso espeluznante. E noxo máximo tamén cara as persoas, que aínda a día de hoxe, seguen condenando ás vítimas e poñéndose ao lado dos acosadores.
O meu longo aplauso para Nevenka, que foi moi valente, e para todas as persoas que estiveron e están ao seu carón pase o que pase e lle pese a quen lle pese. Como ela tanto insistiu, por dignidade!!!
Carmen Cruzado (Xornalista)
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
