A subdelegada e a alcaldesa presentaron o recital ‘Irmás Sonoras’ organizado no Vello Cárcere co gallo do Día Internacional contra a Violencia de Xénero
Lugo, 29 de outubro de 2024. A subdelegada do Goberno en Lugo, Isabel Rodríguez, aseverou hoxe que “é o momento” de que se fale de violencia machista, de que se denuncien todas as agresións e de que a sociedade e os poderes públicos apoien expresamente a todas a vítimas da violencia machista: “Non é o momento de calar”. Así se manifestou na presentación do recital perfo-poético ‘Irmás Sonoras’, que se celebrou esta mañá no centro cultural do Vello Cárcere, na cidade de Lugo.
Isabel Rodríguez remarcou que “debemos ser nós, as mulleres e os homes que estamos en cargos públicos, as primeiras altofalantes destas denuncias. E máis aínda, debemos ser as primeiras e os primeiros en dar exemplo deste compromiso”. Lembrou que o Goberno de España comparte esta prioridade, “a de facilitar canles axeitadas e seguras para a voz das mulleres vítimas de violencia ou acoso e a de proporcionar ferramentas e apoio para saír desta espiral”. Tamén insistiu na “persecución dos homes maltratadores, con ferramentas legais e policiais, e de todos aqueles que ocultan esta tremenda realidade”, subliñando a necesidade de “frear aos que promoven o silencio cómplice”.
A subdelegada puxo en valor o papel da cultura, “unha das ferramentas máis poderosas que temos para avanzar como sociedade”, para trasladar mensaxes de igualdade e para concienciar á xente sobre a lacra da violencia de xénero e os seus efectos.
Xunto á subdelegada, tamén participou a alcaldesa de Lugo, Paula Alvarellos, a quen Isabel Rodríguez agradeceu a colaboración permanente do Goberno Municipal na promoción das políticas de igualdade.
Recital perfo-poético
A Delegación do Goberno en Galicia uniuse hoxe en Lugo a sete artistas galegas no recital ‘Irmás Sonoras’ para impulsar desde a cultura a loita da sociedade contra a violencia machista.
Este acto, que se celebra por segundo ano consecutivo, conxugou nesta ocasión a palabra, a música e a danza. A intervención foi deseñada e dirixida pola poeta Yolanda Castaño, Premio Nacional de Poesía 2023. Nel participaron as poetas e xornalistas Olalla Cociña e Nieves Neira, a escritora e tradutora Tamara Andrés, así como con Olga Novo e Chus Pato, galardoadas co Premio Nacional de Poesía no 2020 e neste 2024, respectivamente.
As escritoras foron saíndo unha a unha das celdas, que aínda permanecen simbolicamente no edificio, lendo un fragmento da súa obra sobre a muller, o machismo e as trabas que teñen as vítimas na sociedade. Mentres facían esta intervención, a artista Neves Seara realizaba unha perfomance. O acto rematou coa lectura a unha mesma voz do poema ‘Matria’, dando sentido ao título do acto: ‘Irmás Sonoras’.
Programación Anual ao redor do 25 de Novembro
O recital de hoxe forma parte da programación anual da Delegación do Goberno en Galicia ao redor do 25 de novembro, Día Internacional contra a Violencia sobre as Mulleres, que pode consultarse nesta ligazón.
Entre as próximas accións convocadas destaca que o día 5 de novembro se vai celebrar a quinta edición da xornada formativa a persoal de Garda Civil, Policía Nacional e Policías Locais de Galicia que está dedicado a tarefas de seguimento e protección de vítimas de violencia machista. O día 15 de novembro celebrarase na Coruña unha acción artística e formativa a cargo de Bea Lema, ilustradora coruñesa e Premio Nacional de Cómic.
Os actos centrais do programa celebraranse na semana do 25N e culminarán na entrega dos recoñecementos ‘Meninas’ de Galicia, que concede a Delegación do Goberno e que este ano alcanzan a súa sétima edición. O delegado do Goberno lembrou que estes galardóns recoñecen a persoas e entidades a nivel autonómico e provincial que se distinguiron polo seu compromiso na loita pola igualdade e contra a violencia machista.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
