Ribadeo, 3 de outubro de 2024. Mañá arrincan en Ribadeo as XIX Xornadas Mar por Medio. Ata o domingo haberá conferencias, mesa redonda, exposicións, documental e actuacións musicais.
A concelleira de Cultura, Begoña Sanjurjo, explicou que “esta fin de semana terán lugar en Ribadeo as Xornadas Mar por Medio na súa edición número 19. Comezarán ás 10:15 horas do venres co acto inaugural presidido polo conselleiro de Cultura, José López Campos. A continuación, a conferencia inaugural será impartida por don Francisco José Prieto Fernández, arcebispo de Santiago de Compostela, co título Os Camiños de Santiago e a Igrexa. Esta conferencia está enmarcada no título xenérico Os Camiños de Santiago, itinerarios de espiritualidade, tradición e cultura”.
A edil ribadense seguiu a relatar que “outras ponencias versarán sobre as asociacións xacobeas, as revistas especializadas, o cine e a comunicación, os Camiños de Santiago en Asturias, xa que colaboran tanto a Universidade de Santiago de Compostela como a Universidade de Oviedo, e un fenómeno que se está dando na actualidade que é a turistificación do Camiño. Paralelamente, teremos actividades culturais, comezando o venres ás oito e media da tarde co concerto da Coral Polifónica da Ribadeo na igrexa parroquial. O sábado, ás oito, teremos un concerto documental sobre Elías Valiña, o inventor das frechas amarelas que nos levan a Santiago. E o domingo pechará as xornadas, á unha da tarde, Manoele de Felisa nun concerto de Música no Camiño”.
Sanjurjo indicou que “as persoas que queiran inscribirse poden facelo a través da páxina web academiaxacobea.gal e alí teremos a inscrición, que é totalmente gratuíta. De todas maneiras, as persoas que queiran asistir separadamente a algunhas das actividades poden facelo sen ningún problema, porque todas están abertas ao público. Esperamos vervos a todos nestas xornadas”.
As Xornadas Mar por Medio están organizadas pola Academia Xacobea, que conta coa colaboración do Concello de Ribadeo, da Xunta de Galicia, da Vicepresidencia da Deputación de Lugo e as Universidades de Oviedo e Santiago de Compostela.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
