As obras, cun orzamento de 126.000€, afectarán ás rúas Beiramar, da Pedra, da Cova Moura, Nosa Señora do Carme ou Pedrón Salgueiro
Burela, 8 de outubro de 2024. O Concello de Burela dará comezo mañá, mércores 9 de outubro, a uns traballos de asfaltado en diversas rúas da vila, se as condicións meteorolóxicas o permiten.
As obras serán na rúa Beiramar entre o cruce das rúas Nosa Señora do Carme e Rosalía de Castro, na rúa da Pedra, na rúa da Cova Moura e na rúa Nosa Señora do Carme.
Nesta última rúa non se actuará na súa totalidade, se non unicamente nas partes que se atopan máis deterioradas. Concretamente, entre o cruce da vía do tren e a rúa Cova Moura e entre as rúas Curros Enríquez e Eijo Garay.
Ademais disto tamén se renovará a rúa Pedrón Salgueiro, entre a avenida de Arcadio Pardiñas e o cruce das Lamas na rúa do Río Sor.
Dende o Concello rógase á veciñanza de Burela que non estacione nesas vías, co obxectivo de poder efectuar os traballos nelas sen problemas.
“Trátase duns asfaltados moi necesarios, ao ser vías que soportan bastante tráfico, o que, en conxunción coa choiva e o paso do tempo, ocasiona un deterioro das mesmas”, sinala o concelleiro de Obras, Ramiro Fernández Rey.
Os traballos supoñen un investimento de 126.000€, “unha cantidade importante que se suma a todo o que levamos investido nos últimos anos en manter as nosas rúas nas mellores condicións posibles”, apunta Fernández Rey.
“É unha obra que tiñamos contemplada xa dende hai tempo”, explica o edil, que engade que dende o Concello vaise “seguir renovando asfaltados e mellorando a mobilidade do pobo, é un obxectivo clave para o Goberno local”.
“Queremos destacar tamén que esta é unha obra encadrada dentro do Plan Único da Deputación provincial, á que agradecemos o esforzo inversor que fai nos concellos, particularmente en Burela”, engade.
“Rogamos colaboración á veciñanza para non estacionar nas zonas afectadas, e imos intentar facilitar, dentro das necesidades da obra, o acceso aos garaxes”, explica o concelleiro. “Van ser cortes puntuais, non debería haber ningún corte total”, puntualiza.
“En todo caso, as obras estarán sempre debidamente sinalizadas e se informará á veciñanza das alternativas dispoñibles aos tramos cortados”, conclúe Fernández Rey.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
