A Mariña, 21 de outubro de 2024. Cervo e Foz serán as seguintes paradas das rutas e visitas guiadas de outono da Mancomunidade: A Mariña. Plans con Corazón os días 26 e 27 de outubro.
Noela Feal será a encargada de guiar aos participantes a través da parroquia de Lieiro, en Cervo, onde se unen o liño e o mar. Os asistentes coñecerán a relevancia histórica na produción de liño, a orixe do seu nome, así como o proceso completo da súa elaboración e achegaranse ata o Museo do Mar, onde profundarán nesta temática. Será o vindeiro sábado, 26 de outubro.
Xa o domingo Ana Pena guiará a visita Sabor a mar por Foz, cuxa historia está intimamente ligada ao mar. Os participantes recibirán información sobre a importancia do seu porto, así coma dos astaleiros e fábricas de conservas. Ademais, a través dun paseo costeiro, poderán descubrir algunhas praias e miradoiros. A xornada concluirá no Paseo dos Malates xunto ao río Centiño.
Aínda quedan prazas dispoñibles para participar nestas actividades. As persoas interesadas poden obter máis información e inscribirse en https://amarinalucense.gal/es/a-marina-planes-con-corazon.
Rutas da pasada fin de semana
Dezaseis persoas procedentes de Burela, Xermade, Lugo, Foz, Viveiro e Siero (Asturias) gozaron o pasado sábado dunha ruta polo Santo Estevo do Ermo, en Barreiros, para coñecer o corazón da relixiosidade popular e as crenzas ancestrais do municipio, ademais dun espazo natural con flora e fauna de ribeira. A importancia da auga para as civilizacións precristiás, tanto sexan pozos, como fontes ou fervenzas, está indiscutiblemente vencellada a tradicións, que ainda hoxe perviven nesta zona da Mariña. Esta ruta foi guiada por Carmen Delia, La Guiateca.
E o domingo tivo lugar O tesouro escondido, en Alfoz. A través do paseo os visitantes puideron coñecer algún dos lugares máis emblemáticos do concello. A xornada comezou na área recreativa da Ponte Nova, para continuar ao carón do paseo do río Ouro. A continuación o grupo achegouse ata a parroquia do Castro para contemplar as fermosas vistas do val e coñecer o conxunto formado pola igrexa e o Castelo do Castrodouro, emblema do municipio e ben de interese cultural. Ademáis puideron asistir a unha masterclass impartida polo recoñecido artesán Moncho Vázquez, que consistiu nun obradoiro participativo de cestería. Dezasete persoas acudiron á ruta do pasado domingo, que guiou Ana Pena, procedentes de Burela, Foz, Barreiros, Lugo, Castro de Rei, A Coruña, Lourenzá.
A Mariña. Plans con corazón. 16 rutas e visitas guiadas por 16 concellos, é un proxecto promovido pola Mancomunidade, coa colaboración da Xunta de Galicia e da Deputación de Lugo, que busca dinamizar a actividade turística na temporada de outono.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
