Renda, que contextualizou a medida na necesidade de “dar resposta a unha demanda unánime dos comerciantes e hostaleiros/as de ámbalas dúas localizacións”, explicou que o horario será o mesmo que o das restantes zonas xa reguladas, isto é: de luns a sábado de 09:00 a 14:00 horas, estando permitido o estacionamento de maneira gratuíta nun período máximo de 90 minutos.
“O noso obxectivo é evitar que se aparque o vehículo desde a mañá ata a noite, ao tempo que se deixa unha marxe de tempo gratuíto para facer xestións ou compras”, declarou.
Con todo, o Vicealcalde fixo especial fincapé en que a prioridade do Concello será agora a consecución de zonas alternativas de estacionamento “100% públicas e gratuítas” e que dende a área de Mobilidade xa se leva meses traballando neste senso.