Foz, 14 de outubro de 2024. A Concellería de Facenda de Foz denuncia inxerencias do partido popular por intereses partidistas. “O portavoz do Partido Popular de Foz é un mentiroso compulsivo. Saca unha nota de prensa de forma falaz, só por ser protagonista, pero míntelle a Foz no máis importante. O único interese do PP é que cobre o seu grupo municipal (nin sequera os seus concelleiros) senón o seu partido. Leva varias semanas preguntando que cando se lle paga. Non lle importa ningunha outra cousa, só o peto do seu partido. Saca esta nota despois da última interpelación realizada a min mesma no Pilar da Espiñeira”, manifesta Inés López Couto.
A concelleira de Facenda explica: “para aquelas persoas que non saiban como funcionan os pagos nun Concello, informar que todos eles pasan por un informe da intervención municipal (ou varios). No caso de Foz esta praza permanece desocupada e ningunha das administracións competentes para cubrila (Estado en primeiro lugar, xa que é unha praza de habilitación nacional, e Xunta de Galicia en segundo lugar) ofrecen ningunha alternativa. Non é só un problema de Foz, A Mariña estao a sufrir constantemente, polo que esiximos que se cubran estas prazas ou os concellos non poderán realizar o seu traballo”.
Inés López Couto engade: “estamos acostumados ás mentiras do señor Castiñeira, que ademais debe de pensar que a poboación non sabe que minte máis ca fala. Recordámoslle a súa mochila: en setembro do ano 2017 el mesmo afirmaba «Chamamos a academias, a colexios profesionais… hai unha preocupación grande entre moitos alcaldes de concellos pequenos e medianos pola falla de interventores», explica el regidor, quien recordó que el Concello focense llevaba más de un año compartiendo interventor: «só tiñamos interventora un día á semana.Sería convinte facer unha chamada ao Goberno central instándoo a sacar prazas de técnicos. Os Concellos debemos cumprir cos nosos compromisos e non podemos facelo sin técnicos». A hemeroteca é moi explícita”, explica a concelleira.
López Couto considera que “o PP busca con triquiñuelas cambiar o resultado das eleccións do ano 2023. Cada unha das áreas de goberno (do PSdG e do BNG) ten as súas responsabilidades e cada unha delas está traballando para axilizar os trámites o máximo posible a pesar da falla de profesionais habilitados, coas limitacións que nos proporciona o servizo de cooperación cos concellos da Deputación. Basta xa de política basura. Uns representantes públicos dignos non xogan a estas patrañas. Non llo facía ningún partido daquela e notase á súa pouca altura política ao facelo agora. Agarrase a calquera cousa para desprestixiar. Vergoñento”.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
