Os representantes populares na Cámara Alta por Lugo compareceron en rolda de prensa diante da estación de tren de Sarria xunto a alcaldes e portavoces da comarca e dos municipios polos que pasa o Camiño Francés
Sarria, 6 de setembro de 2024. Os senadores do PP lucense – José Manuel Barreiro, José Manuel Balseiro e Juan Serrano- replican ao Ministro Puente tras afirmar que ‘o tren vive en España o mellor momento da súa historia’ asegurando que “na provincia de Lugo non é así. Non mellorou nada, senón que queda sen AVE e perde servizos: agora hai menos frecuencias que había fai 10 anos”.
Os populares reclaman unha oferta de servizos que responda á demanda real dos usuarios e denuncian, unha vez máis, “a perda de servizos ferroviarios na provincia nos últimos anos”. Así o manifestan dende a estación de tren de Sarria xunto a alcaldes e portavoces da comarca e dos municipios polos que pasa o Camiño Francés advertindo do “prexuízo que supón a supresión de servizos e frecuencias, non só para a mobilidade dos lucenses, senón para o impulso desta ruta do Camiño de Santiago”.
Concretamente, subliñan que “a supresión dos trens nocturnos afecta ao número de peregrinos que fan o Camiño Francés porque moitos viaxaban de noite e comezan o camiño de madrugada na localidade de Sarria, pero algúns deixan de facelo polas complicacións para chegar a Sarria por tren – a alternativa actual é viaxar ata Ourense e despois en autobús ata Sarria- e porque supón un custo maior”.
Os senadores do Partido Popular explicaron tamén que agardan explicacións do Goberno de Sánchez por escrito en relación ás preguntas rexistradas na Cámara Alta sobre a reposición dos servizos eliminados durante a pandemia (tren-hotel a Madrid e Barcelona, a unidade con Ponferrada polas mañás a través da liña Vigo-Guixar-Ourense-Monforte-Ponferrada ou o tren Arco directo Lugo-Bilbao), sobre o prazo que contempla o Goberno de Sánchez para a reapertura da liña Ourense-Monforte e se prevé compensacións aos usuarios pola falta de planificación das obras e o atraso na posta en servizo do corredor entre Lugo e Monforte.
DISCRIMINACIÓN Á PROVINCIA
“A perda de servizos ferroviarios non é un feito illado, senón que é un exemplo máis que evidencia a falta de compromiso do Goberno de Pedro Sánchez con Lugo en materia de infraestruturas” e que supón “unha discriminación para a provincia e os lucenses”, inciden os populares.
De feito, subliñan que “é case imposible comunicarse entre provincias e coa capital de España por autovía e dende fai tempo tamén é imposible conectarse por tren con Barcelona ou Madrid”.
SERVIZOS PERDIDOS
Moitas liñas ofertadas nos últimos anos na provincia pasaron de ser servizos directos a ser transbordos -que acostuman a ser máis caros-, deixou de operar un dos catro trens diarios de Lugo a Madrid, tampouco é posible desprazarse por ferrocarril a destinos que antes si eran posibles -País Vasco ou Cataluña- e, recentemente, Renfe suprimiu a conexión con Lugo do AVE que chega a Ourense ás 23.00 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
