De Olano afea que “Sánchez manteña nun caixón este proxecto importante para a comarca co consentimento dos socialistas galegos e lucenses” e reprocha tamén “a complicidade do BNG a pesar dos incumprimentos” polo que “tamén é responsable”
A Mariña, 17 de setembro de 2024. O Goberno de Pedro Sánchez recoñecía en abril deste ano “a parálise da A-74” ao confirmar, nunha resposta escrita a unha pregunta formulada polos deputados do PP lucense, que “os proxectos dos distintos tramos da autovía da Mariña se atopaban en fase de redacción”.
Á vista do importante impacto social e económico que tería esta infraestrutura que permitiría vertebrar a comarca, os deputados Jaime De Olano, Francisco Conde e Cristina Abades -atendendo ao seu deber de fiscalizar ao Goberno e facer seguimento dos temas que afectan á provincia- veñen de rexistrar unha batería de preguntas na Cámara Baixa para que o Goberno de Pedro Sánchez aclare cal é o cronograma de prazos que prevé o Executivo estatal para o inicio e finalización da A-74. “Queremos saber cal é o compromiso real do PSOE con esta infraestrutura”, subliñan.
Os Presupuestos Generales del Estado para o ano 2023, prorrogados para o 2024, incluían unha partida de 2M€ para a redacción dos proxectos dos tramos de Barreiros-O Carme, O Carme-Foz e Foz-Burela e a contratación e inicio da redacción do proxecto do tramo Burela-San Cibrao. Toda vez que “no ano 2023 para cando estaba consignada esta partida orzamentaria non se avanzou en ningunha actuación e que neste 2024 hai consignada a mesma cantidade”, os deputados queren que o Goberno de Pedro Sánchez explique en que estado de tramitación se atopan os proxectos incluídos nos PGE.
Así mesmo, solicitan resposta por escrito sobre o prazo previsto polo Goberno para o inicio da contratación do primeiro tramo da autovía A-74 tendo en conta que “Besteiro anunciaba en xullo do 2023, na campaña electoral das xerais, que o compromiso de Sánchez era iniciar a contratación desas obras durante o ano 2024”.
MALTRATO A GALICIA, LUGO E A MARIÑA
De Olano afea que “Sánchez manteña nun caixón este proxecto importante para a comarca co consentimento dos socialistas galegos e lucenses que só se acordan da A-74 en campaña electoral para que despois o seu líder prefira dirixir fondos de tódolos españois para contentar aos seus socios independentistas e se esqueza das necesidades da Mariña”.
Os deputados populares reprochan tamén a complicidade dun BNG que pese aos continuos incumprimentos de Pedro Sánchez con Galicia, Lugo e A Mariña -sobre asuntos como a AP-9, os servizos e infraestruturas ferroviarias na provincia ou, precisamente, a A-74- sempre lle prestan o seu apoio incondicional. Como socios inseparables, ambos son responsables do maltrato a Galicia, Lugo e A Mariña”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
