O deputado do BNG Daniel Castro defenderá que se cumpla o acordo de agrupamentos e que se repoña de inmediato a especialista en Pedagoxía Terapéutica
Desde o BNG trasladan o seu apoio a estas reivindicacións de pais e nais e de toda a comunidade educativa escenificadas coas concentracións que realizan os luns ás portas do colexio, e ás que vén asistindo o deputado mariñao Daniel Castro, que no día de hoxe anunciou que serán tratadas próximamente no Parlamento as iniciativas ao respecto desta problemática presentou e rexistrou días atrás, despois de que nais e pais lle trasladaran a situación que se está a vivir no colexio. Así, debaterase a proposición non de lei presentada polo deputado e na que se pide non levar a cabo os agrupamentos do alumnado de diferentes ciclos educativos no Ceip Castro de Ouro ao contar este con alumnado suficiente segundo os acordos asinados. Na mesma proposta ínstase tamén á Xunta a recuperar a praza de pedagoxía terapéutica.
Situación inxusta
En palabras de Castro, “nós vemos inxusta esta situación xa que o propio acordo de agrupamentos indicaba que se podería agrupar o alulmnado de primaria pertencente a distinto ciclo nunha mesma unidade cando o número fose igual ou inferior a 12, e pola contra, no CEIP contan con 15 alumnos nun dos agrupamentos” e afirma tamén que é necesario avaliar unha variable máis, porque hai outro agrupamento no que hai 12 estudantes, polo que se tén que estudar se algún deles tén necesidades específicas de apoio educativo, un feito que modificaría a ratio.
O PP pón máis trabas aos colexios do rural
Daniel Castro tampouco deixa de pasar por alto a condición da situación territorial deste colexio en pleno rural no Val do Ouro e nese sentido manifesta que é difícil de entender que a Xunta non teña a máis mínima intención de favorecer o asentamento de familias no rural galego, afirmando tamén que “o PP unha semana ataca a sanidade pública e outra o ensino público no rural e poidemos comprobalo meses atrás no Valadouro e agora en Alfoz”