A Deputación de Lugo rexeita o “taxazo” de Sogama que incrementa a factura dos concellos un 60 por cento en menos dun ano
Lugo, 24 de setembro de 2024. O deputado provincial e vicepresidente da Deputación de Lugo Efrén Castro calificou como “tardío” e “pírrico” o anuncio de axudas a ganderías afectadas pola Enfermidade Hemorráxica Epizóotica (EHE) feito este luns pola tarde pola Xunta de Galiza, argumentando que “as axudas non se convocarán ata novembro cando as gandeirías levan desde 2023 reclamándoas” e que “son inferiores as doutras comunidades”
O deputado nacionalista lembrou que outras comunidades tramitaron axudas xa en 2023 “Extremadura, 7 millóns de euros, Asturia, 3 millóns de euros, e Castilla y León, 6 millóns de euros, e Galiza, 196.000 euros”. “No propio anuncio de onte están recoñecendo que o de 2023 era unha miseria” e as axudas que propoñen agora cun investimento de recursos propios de só 2,6 millóns de euros e “20 euros por animal para gastos en accions preventivas, tampouco chega”, remarcou o deputado que incidiu en que a Xunta de Galiza “só move ficha pola presión e pola mobilización dos gandeiros” e “polo traballo do BNG nas institucións e nas comarcas”.
O vicepresidente da Deputación fixo esta valoración durante o debate dunha moción do BNG que reclama á Xunta de Galiza medidas urxentes na loita das ganderías de vacún contra a EHE que foi aprobada por unanimidade e na que, ademais do financiamento da vacinación e a indemnización polos gastos e as perdas derivadas da enfermidade, se demanda ao goberno galego un plan preventivo e de deteccion de cara á vindeira anualidade baseado nun estudo rigoroso da súa incidencia previa.
Rexeitamento do “taxazo” de Sogama
O BNG tamén amosou no pleno o rexeitamento á suba do canon que Sogama -empresa semipública participada pola Xunta e Naturgy-, cobra aos concellos polo tratamento do lixo, que suporá un incremento do 60% en menos dun ano.
A deputada Iria Castro criticou a suba “unilateral, abusiva e desproporcionada” dun canon co que a Xunta de Galiza quere cargar sobre as veciñas e os veciños dos concellos o custo dunha “xestión nefasta” e do empeño nun modelo de tratamento de residuos custoso a antiecolóxico como o da incineración.
“O que temos que facer é abrir un debate sobre os residuos e introducir cambios na xestión para avanzar na recollida separada, a reutilización e a reciclaxe”, propuxo a deputada durante o debate dunha moción do BNG que reclama un xiro na política de residuos da Xunta e a creación dunha comisión de traballo -con representantes de Sogama, da Xunta e da Fegamp- para determinar as condicións do canon para 2025 antes da aprobación do Proxecto de Orzamento e que foi aprobada con votos de BNG e PSdG.
Educación pública
A formación nacionalista tamén insistiu en denunciar no pleno provincial a estratexia de desmantelamento do ensino público por parte do Partido Popular na Xunta de Galicia. Durante o debate dunha moción presentada polo PSdG sobre os recortes no inicio deste novo curso, a deputada Iria Castro lembrou que “mentras o investimento en ensino público está en máximos históricos”, centros públicos, especialmente no rural, están a comezar o curso con agrupamentos en aulas por riba das ráteos recomendadas pola propia Xunta e con falta de persoal.
A deputada nacionalista, que exemplificou a situación nas circunstancias que se están a dar nos colexios de Alfoz, A Pobra do Brollón, Guntín ou Portomarín, remarcou que “a educación non é un negocio, dá igual o esforzo económico que requira atender os centros do rural, porque non hai nenos de primeira e nenos de segunda”, concluíu a deputada.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
