A protesta rematou cunha chamada unánime a non renderse ata que se asegure un ensino xusto e equitativo para todos os nenos e nenas do CEIP
Alfoz, 23 de setembro, 2024. Hoxe tivo lugar unha nova concentración diante do CEIP Plurilingüe Castro de Ouro, organizada pola ANPA do centro, coa participación de pais, nais, alumnado, membros da comunidade educativa. Nela tamén participaron veciños e veciñas de Alfoz e concellos limítrofes, así como representantes políticos e sindicais. esta protesta, convocada para esixir o cumprimento do Acordo de agrupamentos a reposición da especialista en Pedagoxía Terapéutica (PT), súmase ás mobilizacións que levan sucedéndose desde o inicio do curso en defensa dos dereitos do alumnado.
Durante o acto, leuse un manifesto no que a comunidade educativa denunciou a inxusta situación que atravesa o colexio, marcada pola vulneración dos acordos que regulan os agrupamentos de alumnos e a falta de recursos esenciais para garantir unha educación de calidade. O manifesto subliñou dous puntos clave que veñen reclamando sen resolución por parte da administración:
1. A necesidade de crear unha unidade adicional en Educación Primaria, dado que o agrupamento actual de 1º, 2º e 3º de Primaria supera o número máximo de 12 alumnos, establecido no acordo asinado e publicado no Diario Oficial de Galicia en xaneiro de 2024.
2. A reposición inmediata dun especialista en Pedagoxía Terapéutica, fundamental para atender ao alumnado con necesidades educativas especiais, que hoxe non está a recibir o apoio que precisa.
Segundo explicou a ANPA, “vivimos unha situación inxusta. Non só se están a vulnerar os dereitos dos nosos fillos, senón que tamén se está poñendo en risco o seu desenvolvemento académico e persoal. Non podemos seguir permitindo que se xogue co futuro dos nenos e nenas”, e engaden, “non estamos a pedir privilexios, só pedimos que se respecte o acordado e que se dote ao noso centro dos recursos que lle corresponden segundo os acordos asinados. Ademais, non ter un especialista en Pedagoxía Terapéutica é inaceptable, sobre todo cando temos nenos que necesitan ese apoio”.
As familias destacaron a importancia de actuar con urxencia para garantir o futuro educativo dos seus fillos e fillas e aseguraron que, de non recibir unha resposta adecuada, manterán as súas mobilizacións ata que as súas reivindicacións sexan atendidas. No manifesto, fíxose fincapé na necesidade de que a Xunta de Galicia demostre o seu compromiso co rural mediante accións concretas que garantan servizos de calidade para evitar o despoboamento da zona.
Ademais deste acto reivindicativo, a ANPA ven de enviar sendas cartas explicando a situación a Alfonso Rueda, Presidente da Xunta, e a Román Rodríguez, Conselleiro de Cultura, Educación, Formación Profesional e Universidades, “solicitando que se revise a actual situación do centro e nos informen dos pasos que a Consellería vai tomar para resolver as nosas demandas”. Así mesmo, tamén fou remitida unha carta á Valedora do Pobo, “solicitanto o seu amparo e intervención para garantir que o noso centro cumpra cos estándares de calidade e igualdade educativa”, indicas desde a ANPA.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
