En total, preto de 2.000 persoas de 80 asociacións beneficiaranse este 2024 destas viaxes pola xeografía lucense coas que a institución apoia a actividade do turismo, a hostalería e o comercio local
Lugo, 17 de setembro de 2024. A Deputación de Lugo levará esta semana de viaxe a máis de 180 persoas de seis colectivos da provincia co Coñece a túa provincia, o programa de rutas gratuítas que impulsa a institución provincial para favorecer o turismo de proximidade e dinamizar a economía local. Os participantes de entidades sen ánimo de lucro dos concellos de Lugo, Burela, Begonte, Foz, Mondoñedo e Láncara viaxarán, desde este martes e ata o venres, polo territorio lucense grazas a estas viaxes organizadas para colectivos sen ánimo de lucro da provincia.
Este martes, as asociacións Mulleres Rurais de Alfinete e Lugo en pé…na defensa do rural, ambas da capital lucense, abren a semana con destinos á Mariña e a Ribeira Sacra. No caso de Mulleres Rurais, partiron desde o Centro de Interpretación Terras do Miño con destino a Barreiros e Ribadeo, mentres que os membros de Lugo en pé…na defensa do rural comezaron o seu percorrido na Produtora de Audiovisuais da Deputación, para despois visitar Sober e Monforte de Lemos.
O mércores, a Ribeira Sacra volverá ser protagonista. A Asociación Recreativa e Cultural de apoio ás persoas afectadas de cancro Esperanza de Burela visitará o Mazo de Santa Comba antes de dirixirse a Sober e Monforte de Lemos. Pola súa banda, a Asociación de Veciños La Campas de Galegos de Lugo descubrirá a historia do Pazo de San Marcos antes de viaxar tamén a Monforte de Lemos.
Será o xoves cando o Centro Recreativo Cultural e Deportivo de Baamonde visitará o Centro de Interpretación Terras, para logo realizar unha ruta polo concello de Cervo, que inclúe unha visita á fábrica de Sargadelos, á vila de San Cibrao, e á praia do Torno, así como ao Museo do Mar. Ese mesmo día, a Asociación de Veciños O Torques de Marzán de Foz explorará a Montaña, percorrendo os concellos de Pedrafita do Cebreiro, Triacastela e Cervantes.
Para rematar a semana, o venres, os dous colectivos elixiron a ruta que inclúe un percorrido en catamarán polos Canóns do Sil na Ribeira Sacra. Os membros do Círculo Recreativo Casino de Mondoñedo partirán do Pazo de San Marcos, mentres que a Asociación de Veciños San Martiño de Río de Láncara comezará a súa viaxe desde o Centro de Interpretación Terras do Miño.
Case 2.000 persoas desfrutan en total este ano da cuarta edición do Coñece a túa provincia que remata en outubro e que a Deputación de Lugo promove para dinamizar a economía local e poñer en valor o patrimonio natural, cultural e histórico do territorio.
O programa inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
