A directora xeral de Desenvolvemento Pesqueiro, Marta Villaverde, comparece na Comisión 8ª, Pesca e Marisqueo do Parlamento de Galicia
Santiago de Compostela, 17 de setembro de 2024. A Xunta de Galicia leva postos a disposición de sector máis de 50 millóns de euros para o desenvolvemento de medidas de apoio aos profesionais afectados pola paralización da actividade extractiva, en medidas de apoio á conservación e restauración da biodiversidade e dos ecosistemas mariños e á mellora das zonas de produción. Así o explicou a directora xeral de Desenvolvemento Pesqueiro da Consellería do Mar, Marta Villaverde, na súa comparecencia na Comisión 8ª do Parlamento sobre as actuacións e valoración do exercicio das competencias da Xunta en materia de marisqueo.
A directora xeral sinalou que a situación actual débese a un acontecemento excepcional e sen precedentes no marco dunha evolución cíclica e decenal da produción de moluscos bivalvos en Galicia na que se sitúan os rexistros máximos e mínimos segundo a serie histórica dispoñible no portal de Pesca de Galicia. O Goberno galego, co obxectivo de facer máis resiliente ao sector fronte a estes ciclos, reforzou os recursos destinados a proxectos de investigación mariña superando os 4 millóns de euros.
Nesta liña, esbozou as distintas liñas de traballo que se está abordando desde organismos como o Centro de Investigacións Mariñas (CIMA), o instituto Tecnolóxico para o Control do Medio Mariño (Intecmar) ou na plataforma Redemar, ferramenta pioneira de colaboración entre os centros científicos e o sector. Unha labor na que tamén participan as universidades galegas e que están axudando a avanzar na optimización e mellora do proceso de obtención de semente, na obtención de estirpes resistentes aos cambios ambientais e a enfermidades que condicionan a súa viabilidade ou no estudo do estados dos bancos marisqueiros e os factores que inflúen na súa produtividade.
Por outro lado contrapuxo a xestión realizada pola Xunta, mobilizando todos os recursos dispoñibles – tanto con fondos propios e comunitarios-, fronte á nula implicación do Goberno central que impediu habilitar axudas específicas ante o episodio elevada mortaldade de bivalvos do ano pasado para o que se solicitou a declaración de zona catastrófica.
Plan de Competitividade
A directora xeral defendeu o Plan de Competitividade e Sostibilidade do Marisqueo en Galicia, deseñado xunto ao sector, como instrumento eficaz para dar resposta ás necesidades dos profesionais e abordar a rexeneración dos bancos marisqueiros. Deste xeito destacou que se trata dun documento vivo que conta coa flexibilidade precisa para adaptarse ás circunstancias de cada momento e á información científica dispoñible.
Tamén explicou que hai variables como os cambios no clima, a temperatura da auga ou a salinidade teñen efectos directos no ecosistema e a dispoñibilidade de nutrientes aos que sumou a interacción entre depredadores e competidores que teñen un impacto directo no equilibrio ecolóxico do banco.
Modelo galego
Marta Villaverde subliñou que Galicia regula a actividade marisqueira mediante plans de xestión que son aprobados de xeito trienal que abordan a explotación dos recursos e a organización do traballo extractivo (cotas, vedas temporais ou espaciais, tamaños mínimos,…). Tamén inclúen os traballos non extractivos que inclúen as labores de conservación das condicións das poboacións explotadas (traslados, sementeiras, etc.) e das condicións do hábitat. Un modelo avalado pola Rede de Seguimento, Avaliación e Apoio Local da Pesca e Acuicultura da Comisión Europea.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
