Lugo, 14 de setembro de 2024. A Rede Museística Provincial de Lugo cumpre 18 anos de traballo na mellora da accesibilidade e na creación dunha cultura integradora e igualitaria nos museos.
A deputada de Cultura Iria Castro, a xerente da Rede Encarna Lago epersoal dos museos e das entidades colaboradoras reuníronse para poñer en relevo a “maioría de idade” do Departamento de Capacidades Diferentes e Accesibilidade, que desenvolve as accións encamiñadas nesta liña.
Iria Castro valorou “o traballo realizado ao longo destes anos con actuacións de diferente índole, desde intervencións arquitéctonicas ata a instalación de sinalética, ou a implmentación de estratexias de comunicación e a adquisición de materiais para facilitar que todas as persoas poidan acceder ao patrimonio e ás actividades dos museos” e tamén “a incorporación ao persoal dos museos de traballadoras e traballadores con capacidades diferentes, que colaboran e impulsan ese proceso de mellora continúa que seguiremos apoiando para lograr espazos cada vez máis accesibles, integradores e igualitarios”.
Encarna Lago agradeceu “a colaboración do terceiro sector e das súas profesionais, fundamentais neste camiño de 18 anos que comezou coa creación do Departamento de Capacidades Diferentes e Accesiblidade e no que fomos tecendo redes e aprendendo ao seu carón” e valorou destacou o recoñecemento logrado nesa labor por parte de entidades como a ONCE, coa que mantemos diversas liñas de colaboración para programar exposicións táctiles ou formar parte do Comité de Honra da Bienal de Arte Contemporánea”
As persoas con capacidades diferentes supoñen máis do 15 por cento do persoal dos museos – por riba do 10 por cento ao que as administracións están obrigadas por lei -.
Implementación dos “códigos Navilens”
A Rede Museística Provincial ultima a implementación nos catro museos dun novo sistema de comunicación para facilitar que as persoas con baixa ou nula visión poidan moverse de forma independente no interior dos museos mediante un sistema de guiado con instrucións vocais.
A través duns códigos de cores ubicados en distintos puntos dos museos que poden ser identificados por dispositivos móbiles a unha distancia de ata 10 metros (sen necesidade de seren enfocados con precisión por cámaras), as persoas que visiten os museos poderán obter información accesible en tempo real sobre o espazo e as obras de arte. O sistema, que se porá en funcionamento nos catro museos de forma completa o 10 de outubro, funciona a través da aplicación Navilens.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
