Ribadeo, 27 de setembro de 2024. A conselleira de Política Social, Fabiola García, supervisou hoxe as obras do hospital asilo na compañía do alcalde, Dani Vega, do delegado territorial da Xunta en Lugo, Javier Arias, e das concelleiras de Benestar Social, Igualdade e Seguridade, Elena Sierra, Begoña Sanjurjo e Montse Seijo.
O rexedor destacou “a boa relación entre as administracións. Isto é o que realmente importa, é o que dixemos e seguimos dicindo que Ribadeo necesita da colaboración institucional de todas as administracións. A visita de hoxe acredita esa boa relación que temos coa Xunta de Galicia e toda a inversión que está vindo para política social”.
Vega dixo que “evidentemente, 700.000 euros axúdanos moitísimo a seguir avanzando na obra do hospital residencia asilo, libéranos dun peso moi importante economicamente falando e posibilítanos que poidamos facer máis inversións en Ribadeo. Estes 700.000 euros, grazas a conselleira, a Fabiola, porque houbo un traballo moi importante durante este primeiro ano, houbo un traballo de impulso e evidentemente hai que facer xestión. Non nos quedamos aí simplemente”.
O alcalde ribadense indicou que “a Consellería de Política Social está investindo moitísimo en Ribadeo. Agora xa tivemos unha primeira parte de reforma do que vén sendo o centro de día. Agora vamos seguir investindo máis de 50.000 euros para continuar mellorando as instalacións. Tamén 50.000 euros para Preto de Ti, estas actividades que están chegando a máis de 150 persoas en todo Ribadeo nas parroquias e tamén na vila. Creo que son actividades moi interesantes desde un punto de vista de saúde mental, ximnasia, actividades lúdicas, culturais, tamén nos están axudando moitísimo a esa actividade, á parte máis lúdica, como poden ser os seráns de teatro que estamos tendo nas parroquias, ou tamén esas actividades que estamos tendo no centro social todos os domingos con ese baile, Pasos de Sabiduría titulámolo. Todo isto o podemos facer grazas á Xunta de Galicia, senón sería imposible, porque non temos capacidade económica para facelo”.
Dani Vega lembrou que “este sábado temos o día do xubilado, que 100% nos financia a Xunta de Galicia. Por iso podemos facer moitas cousas, por iso estamos activando tamén esta Concellería, toda esta dinamización desde o punto de vista social de actividades para todas as persoas, tanto na vila como nas parroquias. O importante, repito, é levarse ben, ter esa conexión coas administracións e xestionar orzamento e así Ribadeo avanza”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
