Lourenzá, 27 de setembro de 2024. A concentración de vehículos Vespafaba & Clásicos Lourenzá celebrará o seu décimo aniversario os días 5 e 6 de outubro, sábado e domingo. Foi presentada polos organizadores e pola alcaldesa de Lourenzá, Rocío López.
A organización do evento destaca que é “unha cita consolidada xa no calendario dos eventos de vehículos clásicos e motos, sobre todo da mítica Vespa, que atrae participantes de todo Galicia, Asturias e Castela e León” e anuncia que o sábado 5 será a xornada dedicada aos scooters e motos clásicas, con este programa: “recepción de motos a partir das 10:00 horas na rúa Fernández del Riego, onde a partir das 12:00 se celebrarán unha xincana e probas de habilidade, algo moi entretido que capta a atención de numerosos visitantes. A ruta está prevista para as 13:30 horas e percorrerá o Val de Lourenzá, haberá un pincheo polo camiño e regresarase á vila para o xantar, servido por Catering Chao da Brea, oonde se fará a entrega de premios e un gran sorteo”.
O domingo 6 será o día dos coches clásicos e o programa é o seguinte: “poderán participar vehículos anteriores a 1994. A recepción será tamén na rúa Fernádez del Riego e os vehículos permanecerán expostos nas rúas da vila ata as 13:30 horas, para o disfrute de participantes e visitantes da Festa da Faba, xa que moitos destes vehículos causan gran expectación entre os visitantes da festa, ó encontrarse con modelos espectaculares en perfecto estado de conservación e algunhas curiosas e singulares unidades das décadas do 1930, 1940 e 1950; tamén unha ampla inscrición de vehículos dos 60 e 70 e, como non, gran variedade dos clásicos máis modernos, de finais dos 80 e comezos dos anos 90. A saída da ruta será as 13:30 polo centro de Lourenzá, un dos momentos máis espectaculares, xa que se forma un pasillo humano de visitantes da festa admirando o desfile de vehículos, que se dirixiran a Bretoña (A Pastoriza), onde será o xantar ás 14:30 horas en Hotel A Casa Da Luz e quedarán expostos os vehículos ata as 16:30, hora do regreso a Lourenzá, onde se celebrará a entrega de premios e un gran sorteo aló polas 17:30 horas”.
Os organizadores destacan que “a inscrición consta de regalo de benvida, xantar e participación nun gran sorteo o final do evento. Teremos uns premios ambos días para: coche/moto máis espectacular; coche/moto máis antiga; participante de máis lonxe; condutor máis veterano; club máis numeroso; recordo de participación a cada club asistente; e algún que outro trofeo sorpresa”.
A data límite de inscrición é o mércores 2 de outubro con prazas limitadas. “Esperase igualar ou superar as cifras de participación do ano pasado, onde se puideron ver o sábado sobre 80 motos e o domingo uns 170 coches”, remata a organización.
A alcaldesa de Lourenzá, Rocío López, resalta: “cúmprense 10 anos da presenza desta actividade na Festa da Faba. Un evento que comezou con apenas unha trintena de vehículos clásicos e que ano a ano vai medrando, chegando a superar os máis de 100 exemplares na edición do ano pasado. Por iso actualmente a concentración de vehículos clásicos xa ocupa un lugar importante en cada edición da Festa da Faba”.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
