Alfoz, 28 de setembro, 2024. A Asociación de Nais e Pais de Alumnos do CEIP Plurilingüe Castro de Ouro de Alfoz organizará unha nova concentración o vindeiro luns, 30 de setembro, ás 9:30 horas, diante das instalacións do colexio. A comunidade educativa esixe á Xunta de Galicia unha resposta ante as reiteradas peticións de solución ás súas demandas, que seguen sen atenderse.
A semana pasada, a ANPA remitiu sendas cartas ao Presidente da Xunta de Galicia, Alfonso Rueda; ao Conselleiro de Educación, Román Rodríguez; e á Valedora do Pobo, Dolores Fernández Galiño, reclamando o cumprimento do acordo de agrupamentos e a reposición da praza de Pedagoxía Terapéutica (PT), eliminada este curso escolar. “Ata o de agora, non se recibiu ningunha contestación oficial”, indican desde a ANPA.
A ANPA manifesta a súa frustración pola falta de compromiso das autoridades educativas e advirten que a situación non pode continuar sen medidas, algo que consideran inxusto “sobre todo cando vemos que noutros centros si se están aportando solucións”. Segundo indican, “levamos desde o inicio do curso loitando por resolver esta situación, pero a Xunta parece non escoitar, e as familias pídennos que non paremos ata que se solucionen as nosas demandas”.
As familias e o profesorado do centro escolar de Alfoz tamén mostran a súa preocupación polo impacto que esta decisión pode ter sobre o conxunto do alumnado. Segundo explican desde a ANPA, “se non se respecta o acordo de agrupamentos, aumentará a carga de traballo nas aulas e os recursos serán insuficientes para atender a todos os nenos de diferentes idades de forma adecuada. Ademais a perda da praza de PT afecta a toda a comunidade, non só aos nenos que máis o precisan”.
A concentración deste luns será a terceira dun conxunto de mobilizacións que a ANPA e o conxunto da comunidade educativa teñen previsto levar a cabo ata que a situación se resolva. “Non imos parar. Non podemos aceptar que se xogue co futuro dos nosos fillos e fillas. Seguirán as protestas, aquí e onde faga falta, mentres a Xunta continúe ignorando as nosas demandas”, indicaron desde a asociación.
A ANPA fai un chamamento a todas as familias, profesorado e veciñanza de Alfoz para que se sumen á concentración e apoien a defensa dunha educación inclusiva e de calidade para todos.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
