Ribadeo, 1 de agosto de 2024. Ribadeo incrementa as axudas en Benestar Social. Hoxe foron asinados os convenios das subvencións nominativas para 2024. As asociacións beneficiarias son Cogami, Axuda ao Enfermo Mental A Mariña, Fundación Edes, Cruz Vermella e Cáritas. A partida destinada a este fin é de 14.500 euros.
O alcalde, Dani Vega, explicou que “hoxe convocamos a sinatura de convenios das subvencións nominativas 2024 na área de Benestar Social. Creo que demos un paso moi importante. En primeiro lugar, colaborar con máis entidades e subir a partida, dentro dos orzamentos 2024, dentro dun Plan Estratéxico 24-26, que foi aprobado no pleno do 4 do 12 do 2023. Houbo un total respaldo por parte do pleno, polo tanto respáldanos e tamén garante un total apoio por parte dos grupos políticos”.
O rexedor cre que “o Concello acertou en incrementar as partidas orzamentarias en Benestar Social e tamén acertamos en sumar mais entidades á hora de colaborar. Entre todos estamos facendo un bo traballo”.
Vega dixo: “Con quén colaboramos? Pois colaboramos coa asociación Cogami, cunha achega de 2.000 euros, tamén coa asociación Axuda ao Enfermo Mental A Mariña con 4.000 euros, coa Fundación Edes con 2.000 euros, coa Cruz Vermella, é a primeira vez que se incorpora a este Plan Estratéxico, e tamén colaboramos con Cáritas, con toda esa labor que está facendo, creo que tamén é importante. Todos estes colectivos que cumpren unha función importante, que cumpren cun traballo que ás veces non valoramos, e desde logo desde as institucións, debemos valorar, respaldar e apoiar con orzamentos”.
Para o alcalde ribadense “o de hoxe foi un acto importante, debemos seguir incrementando entidades no 2025 e así o vamos facer. Seguiremos colaborando e quero darlles as grazas a todos por ese inmenso traballo que realizan todos os días”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
